పాయల్ మోడలింగ్ ద్వారా సినిమా ప్రపంచం లోకి అడుగు పెట్టింది. ఆమె 1984 నవంబర్ 9న హైదరాబాద్‌లో జన్మించారు. ఇంజనీరింగ్ పూర్తి చేసింది. పాయల్ 2002లో 'యే క్యా హో రహా హై'తో హిందీ సినిమాల్లోకి ఎంట్రీ ఇచ్చింది. ఆ తర్వాత '36 చైనా టౌన్', 'అగ్లీ అండ్ పాగ్లీ' వంటి చిత్రాల్లో నటించింది. తరువాత సినిమాల్లో పెద్దగా అవకాశాలు రాకపోవడంతో కొన్ని టీవీ షోలలో కనిపించింది. అంతేకాదు పాయల్ 'బిగ్ బాస్ 9'లో కంటెస్టెంట్‌గా చేరింది. రాహుల్ మహాజన్‌తో ఆయనకు సన్నిహిత స్నేహం ఉంది. అయితే తర్వాత ఇద్దరి మధ్య విభేదాలు వచ్చాయి. ఆ తర్వాత 2010లో పాయల్, రాహుల్ మహాజన్‌ గొడవ రచ్చ రచ్చ అయ్యింది.
పాయల్ తన కాంట్రవర్సీ కామెంట్స్ తో తరచుగా హెడ్‌లైన్స్‌లో ఉంటుంది. 'మీ టూ' ప్రచారంలో దర్శకుడు దిబాకర్ బెనర్జీ, అనురాగ్ కశ్యప్‌లపై నటి లైంగిక వేధింపుల ఆరోపణలు చేసింది. పాయల్ తన వ్యాఖ్యలకు సంబంధించి వివాదాల్లో చిక్కుకుంది. ఆమె తరచుగా ప్రతి సమస్యపై ట్వీట్ చేస్తుంది. 2019లో సెప్టెంబర్ 21న పాయల్ ట్విట్టర్‌లో మాజీ ప్రధాని జవహర్‌లాల్ నెహ్రూ భార్య కమలా నెహ్రూ, మోతీలాల్ నెహ్రూ భార్య స్వరూప రాణి, ఇందిరా గాంధీ గురించి అభ్యంతరకరమైన వ్యాఖ్యలు చేసిన వీడియోను ట్విట్టర్‌లో షేర్ చేసిన సంగతి తెలిసిందే. అక్టోబరు 2న యువజన కాంగ్రెస్ రాష్ట్ర ప్రధాన కార్యదర్శి చర్మేష్‌ శర్మ సదర్‌ పోలీస్‌ స్టేషన్‌లో ఫిర్యాదు చేయడంతో ఆమె జైలు పాలు కావాల్సి వచ్చింది. ఇక పాయల్ వ్యక్తిగత జీవితం విషయానికొస్తే... సంగ్రామ్ సింగ్‌ను వివాహం చేసుకుంది.
