అందుకే ఇవాళ్టి యోగా దినోత్సవం కార్యక్రమాన్ని బీజేపీ ఘనంగా చేపడుతోంది. దేశంలోని 75వేల ప్రాంతాల్లో బీజేపీ ఈ కార్యక్రమాన్ని నిర్వహిస్తోంది. ప్రధాని మోదీ స్వయంగా కర్ణాటకలోని మైసూరులో జరిగే యోగా కార్యక్రమంలో పాల్గొంటారు. మైసూరు ప్యాలెస్ లో మోదీ యోగా చేయనున్నారు. అదే ప్యాలెస్ ప్రాంగణంలో ఆయనతో పాటు 15వేల మంది యోగాసనాలు వేస్తారు. ఇక హోం మంత్రి అమిత్ షా దిల్లీలో జరిగే కార్యక్రమంలో పాల్గొంటారు. బీజేపీ అధ్యక్షుడు జె.పి.నడ్డా నోయిడాలో యోగాసనాలు వేస్తారు.
ఇక ఈ ఏడాది యోగా డే ఉత్సవాలను యోగా ఫర్ హ్యుమానిటీ నినాదంతో నిర్వహిస్తారు. దేశవ్యాప్తంగా జరిగే ఈ యోగా కార్యక్రమాల్లో కేంద్ర మంత్రులు, బీజేపీ పాలిత ముఖ్యమంత్రులు, ఎంపీలు, ఎమ్మెల్యేలు, పార్టీ నేతలు పాల్గొంటారు.
