ఈ ఏడాది నవంబర్ నెలలో రైల్వేకు ఆదాయం బాగా పెరిగింది. ఈ మాసంలో సరుకు రవాణా చేయడం, ప్రయాణికులను చేరవేయడం ద్వారా అత్యధిక ఆదాయన్ని సాధించిందని దక్షిణ మధ్య రైల్వే శాఖ ఓ ప్రకటనలో తెలిపింది. ఈ ఏడాది నవంబర్ లో ప్రయాణికులతో రూ.435.66 కోట్లు ఆదాయం వచ్చింది. అలాగే సరుకు రవాణాతో రూ.1,083.63 కోట్లు సమకూరినట్లు రైల్వే శాఖ వెల్లడించింది.


ఈ నవంబర్ మాసంలో దక్షిణ మధ్య రైల్వే 93 ప్రత్యేక రైళ్లను 460 ట్రిప్పులు నడిపించింది. మొత్తం 2.82 లక్షల ప్రయాణికులను సురక్షితంగా గమ్యస్థానాలకు చేర్చింది. మరో 625 ప్రత్యేక కోచ్ ల ద్వారా 42,757 మంది అదనపు ప్రయాణికులను గమ్యస్థానాలకు చేర వేసింది. ఈ నవంబర్ లో 10.481 మిలియన్ టన్నుల సరుకు రవాణా చేసినట్లు రైల్వే తెలిపింది. గత ఏడాదితో పోల్చితే 15శాతం అదనంగా రవాణా చేసినట్లు రైల్వే శాఖ తెలిపింది.

మరింత సమాచారం తెలుసుకోండి:

railway

Chakravarthi Kalyan

06/12/2022 07:38 AM