కరోనా మార్గదర్శకాలను పాటించాలని అన్ని రాష్ట్ర స్థాయి బ్యాంకింగ్ కమిటీలను ఐబీఏ కోరింది. కరోనా పరిస్థితుల్లో సాధారణ స్థితి వచ్చే వరకు ఈ విధానం అమలులో ఉంటాయని పేర్కొన్నారు.
ఐబీఏ మార్గదర్శకాలు ఇవే..
అన్ని బ్యాంకులను ఉదయం 10 నుంచి మధ్యాహ్నం 2 గంటల వరకు మాత్రమే తెరువాలి.
బ్యాంకింగ్‌లో కేవలం నాలుగు రకాల సేవలనే అందించాలి. ఇందులో నగదు డిపాజిట్లు, నగదు ఉపసంహరణలు, చెక్కుల క్లియరింగ్, చెల్లింపులు, ప్రభుత్వ లావాదేవీలు ఉన్నాయి.
ఎట్టి పరిస్థితిలోనూ అన్ని బ్యాంకులను సాయంత్రం 4 గంటలకు మూసివేయాలి.
కరోనా సమయంలో 50 శాతం ఉద్యోగులను మాత్రమే బ్యాంకుకు పిలుస్తారు.
ఇతర ఉద్యోగులు పనులను ఇంటి నుంచి చేసుకోవాలి.
షిఫ్ట్ ల ప్రకారం ఉద్యోగులను పిలవాల్సి ఉంటుంది.
ఇకపోతే బ్యాంకింగ్ సేవలకు సంబంధించి జిల్లా యంత్రాంగం ఏ నిర్ణయం తీసుకున్నా అది చెల్లుతుంది.
రాష్ట్ర స్థాయి కమిటీ జిల్లాల వారీగా పరిస్థితులను పర్యవేక్షించి, అదనపు సేవలను అందుబాటులోకి తీసుకు రావాలి.
ఈ కరోనా దృష్ట్యా మే నెలలో బ్యాంకులకు 12 రోజుల సెలవులు ఉన్నట్లు ప్రకటించారు.మే 1 మహారాష్ట్ర దినోత్సవం / మేడే. మేడే రోజున కొన్ని రాష్ట్రాల బ్యాంకులను మూసివేస్తారు. మరుసటి రోజు ఆదివారం యధావిధిగా బ్యాంకులకు సెలవుదినం. 7 వ తేదీన జమాతుల్ విద సందర్భంగా బ్యాంకులకు సెలవు. మరుసటిరోజు రెండో శనివారం, ఆ మరుసటి రోజు ఆదివారం యధావిధిగా సెలవులు ఉంటాయి. 13 న ఈదుల్ ఫితర్‌, 14 న రంజాన్‌, 16 ఆదివారం, 22 నాలుగో శనివారం, 23 ఆదివారం, 26 బుద్ధపూర్ణిమ, 30 ఆదివారం సెలవులు ఉండనున్నాయి. మొత్తానికి చూస్తే బ్యాంకులకు సంబంధించిన పని ఏదైనా ఉంటే ఇప్పుడే చూసుకోవడం మేలు..
