ఇక మీరు కూడా PM కిసాన్ యోజన ప్రయోజనం పొందుతున్నట్లయితే.. ఈ వార్త అనేది మీకు తప్పక ఉపయోగపడుతుంది. ప్రధానమంత్రి కిసాన్ యోజన 12వ విడత సొమ్మును ప్రధాన మంత్రి నరేంద్ర మోదీ త్వరలోనే విడుదల చేయనున్నారు.కేంద్ర ప్రభుత్వం అమలు చేస్తున్న అనేక పథకాల్లో ఈ పథకం కూడా ఒకటి. ఈ పథకం ద్వారా ప్రభుత్వం దేశంలోని రైతులకు సంవత్సరానికి మూడు విడతలుగా ఇక రూ.2 వేల చొప్పున అందిస్తోంది. చిన్న, మధ్యతరహా రైతులకు కూడా ఆర్థిక సహాయం అందించడానికి ఈ పథకం ప్రారంభించబడింది.ఇటీవల ప్రధానమంత్రి నరేంద్ర మోడీ కిసాన్ యోజన ఇంకా రైతులను ఉద్ధేశించి సోషల్ మీడియాలో ఒక పోస్ట్ కూడా చేశారు. ఇక అందులో ప్రధాని ఏమన్నారంటే.. 'దేశం మొత్తం మన రైతు సోదరులు,సోదరీమణులను చూసి గర్విస్తోంది. రైతులు ఎంత బలంగా ఉంటే మన నవ భారతం అంత సుభిక్షంగా ఉంటుంది. ప్రధానమంత్రి కిసాన్ సమ్మాన్ నిధి ఇంకా వ్యవసాయానికి సంబంధించిన ఇతర పథకాలు దేశంలోని కోట్లాది మంది రైతులకు కొత్త బలాన్ని అందిస్తున్నందుకు నేను చాలా సంతోషిస్తున్నాను.' అని ఆయన అన్నారు.ఇక పీఎం కిసాన్ 12వ విడత డబ్బు ఈ నెలలో విడుదల కావచ్చు.


ఈ ప్రధాన మంత్రి కిసాన్ సమ్మాన్ నిధి యోజన కింద.. కేంద్ర ప్రభుత్వం రైతులకు సంవత్సరంలో మొదటి విడత ఏప్రిల్ 1 నుంచి జూలై 31 వరకు ఇంకా రెండవ విడతను ఆగస్టు 1 నుంచి 30 నవంబర్ మధ్య, మూడవ విడత మెుత్తాన్ని డిసెంబర్ 1 నుంచి 31 మార్చి లోపు అందించింది.ఇంకా వీటిని నేరుగా రైతుల ఖాతాలకు జమ చేస్తారు. దీని ప్రకారం చూసుకుంటే ఈ నెలాఖరులోగా లేదా వచ్చే నెల ప్రారంభంలో రెండవ విడత వాయిదాల సొమ్ము రావచ్చు.ఈ PM కిసాన్ సమ్మాన్ నిధి యోజన ఇన్‌స్టాల్‌మెంట్ పొందడంలో మీకు ఏదైనా సమస్య ఉంటే.. వెంటనే దాన్ని మీరు పరిష్కరించుకోండి. ఇక దీని కోసం.. మీరు హెల్ప్‌లైన్ నంబర్‌కు కాల్ చేయడం ద్వారా లేదా మెయిల్ ఐడీకి ఈ- మెయిల్ పంపడం ద్వారా సమస్యను ఈజీగా పరిష్కరించవచ్చు.ఇక ఇందుకోసం మీరు PM కిసాన్ హెల్ప్‌లైన్ నంబర్- 155261 లేదా 1800115526 (టోల్ ఫ్రీ) లేదా 011-23381092 నంబర్లను సంప్రదించవచ్చు.

మరింత సమాచారం తెలుసుకోండి:

PM KISAAN YOJANA

Purushottham Vinay

07/08/2022 01:27 PM