చాక్లెట్ అంటే ఇష్టపడని వాళ్లు ఎవరుంటారు. చిన్న పిల్లల దగ్గరనుంచి పెద్ద వాళ్ల వరకు అందరూ ఇష్టంగా వీటిని తింటుంటారు. చాక్లెట్ లో అధిక కెలోరీలు ఉండుట వల్ల బరువు పెరిగే అవకాసం ఉంటుంది. అందువల్ల మీరు ఎక్కువగా తినకుండా సరిపడా తింటే చాలా బెట‌ర్‌. అలాగే చాక్లెట్స్ వల్ల ఎన్నో ఆరోగ్య ప్ర‌యోజ‌నాలు ఉన్నాయి. జ్ఞాప‌క‌శ‌క్తిని పెంచ‌డం, కంటిచూపును మెరుగ్గా చేయ‌డం, ర‌క్త‌పోటును త‌గ్గించ‌డం వంటివి చేయడమే కాదు.. ఇది అందాన్ని పెంపొందించేందుకు ఎంతో సాయ‌ప‌డుతుంది.
ఫ్లెవనాల్స్ తో పాటు ఫ్రీ రాడికల్స్ ని ఎదుర్కొనే శక్తివంతమైన యాంటీ ఆక్సిడెంట్స్ అనేవి చాక్లెట్ లో పుష్కలంగా లభిస్తాయి. మరి చాక్లెట్స్‌ను చ‌ర్మానికి ఎలా ఉప‌యోగించాలి అన్న‌ది ఇప్పుడు తెలుసుకుందాం. ముందుగా చాక్లెట్ ద్రవానికి రోజ్ వాటర్ ని మిక్స్ చేయాలి. ఈ మిశ్రమాన్ని మీ ముఖంపై సున్నితంగా అప్లై చేయండి. ఈ ఫేస్ మాస్క్ ని పావు గంట తర్వాత గోరువెచ్చటి నీటితో మీ ముఖాన్ని శుభ్రపరుచుకోండి. ఈ మాస్క్ ని ప్రతి వారం అప్లై చేసుకోవడం ద్వారా యవ్వనవంతమైన చర్మాన్ని సొంతం చేసుకోవ‌చ్చు.
బాగా పండిన అరటిపండుని గుజ్జులా చేసుకుని అందులో రెండు టీస్పూన్ల చాక్లెట్ ద్రవాన్ని కలపండి. దీన్ని మీ ఫేస్‌కు అప్లై చేసి పావు గంట తర్వాత గోరువెచ్చిన నీటితో క్లీన్ చేసుకోవాలి. ఇలా చేయ‌డం వల్ల ముఖంపై ఉన్న మొటిమ‌లు, వాటి వల్ల వ‌చ్చే మచ్చలు త‌గ్గ‌డానికి ఉప‌యోగ‌ప‌డుతుంది. అలాగే కేవలం చాక్లెట్ తింటే చాలు.. ఎండ నుంచి చర్మాన్ని కాపాడుకోవ‌చ్చ‌ని మీరెప్పుడైనా వూహించారా? అవును.. చాక్లెట్ మీ చర్మాన్ని ఎండ బారి నుంచి.. ఎండ వల్ల క‌లిగే డ్యామేజ్ నుంచి ర‌క్షిస్తుంది. సో.. పేస్ ప్యాక్స్‌తో వేసుకోవ‌డ‌మే కాకుండా రోజుకు చిన్న చాక్లెట్ కూడా తినాలి.
