భారత్ లోనే అతి పెద్ద కంపెనీల్లో ఒకటైన రిలయన్స్ ఇండస్ట్రీస్ కరొనతో తీవ్ర సంక్షోభాన్ని ఎదుర్కొంటోంది. ఇందుకుగాను తమ ఉద్యోగుల జీతాలలో కోత విధించడానికి సిద్ధమైంది. ఉద్యోగుల వేతనాలు దాదాపు 10 శాతం నుంచి 50 శాతం వరకు కోత విధించినట్లు ఆ కంపెనీ మేనేజింగ్ డైరెక్టర్ పేర్కొన్నారు. అయితే ఈ కోత ఉద్యోగుల స్థాయిని బట్టి కుదించారు. ఎవరికైతే వార్షిక వేతనం రూ. 15 లక్షల కంటే తక్కువ ఉంటుందో వారికి మినహాయింపు ఇచ్చారు. వార్షిక ఆదాయం 15 లక్షల కంటే ఎక్కువ ఉంటే 10 శాతం కోత విధిస్తున్నట్లు ఆ కంపెనీ వెల్లడించింది. కంపెనీ బోర్డ్ ఆఫ్ డైరెక్టర్లు, ఎగ్జిక్యూటివ్ కమిటీ సభ్యులు, సీనియర్ లీడర్ల వేతనాల్లో దాదాపు 30 నుంచి 50 శాతం వరకూ కొత్త విధించారు. అయితే ఆ కంపెనీ అధినేత ముఖేష్ అంబానీ తన వార్షిక పారితోషకాన్ని పూర్తిగా వద్దనుకున్న ట్లు రిలయన్స్ కంపెనీ ప్రముఖులు ప్రకటించారు.
