మేడ్చల్ జిల్లా పద్మనగర్లో ప్రముఖ బ్రాండ్ పేరుతో నకిలీ షాంపులు, కంఫర్ట్ తయారుచేస్తున్న ఓ ఇంటిపై ఎస్ఓటీ పోలీసులు దాడి చేశారు. ముగ్గురిని అదుపులోకి తీసుకొని విచారిస్తున్నారు. యజమాని మహబూబ్ఖాన్ పరారీలో ఉన్నట్లు పోలీసులు తెలిపారు.
ప్రభుత్వం నకిలీలపై ఉక్కుపాదం మోపుతున్నా కొందరు అక్రమార్కులు డబ్బు సంపాదనే లక్ష్యంగా అడ్డదారులు తొక్కుతున్నారు. మేడ్చల్ జిల్లా పేట్బషీరాబాద్ పరిధి పద్మానగర్లో ఓ ఇంట్లో ప్రముఖ బ్రాండ్ పేరుతో నకిలీ షాంపూ, కంఫర్ట్ తయారుచేస్తున్నారనే సమాచారంతో బాలానగర్ ఎస్ఓటీ పోలీసులు దాడి చేశారు.
సికింద్రాబాద్కు చెందిన మహబూబ్ఖాన్ అనే వ్యక్తి కొన్నాళ్లుగా అక్రమంగా ఈ ప్రాంతంలో ప్రముఖ బ్రాండ్ పేరుతో నకిలీ షాంపూ, కంఫర్ట్ తయారు చేస్తున్నాడు. పోలీసులు దాడి చేసే సమయంలో ముగ్గురు కార్మికులు ఉండడంతో వారిని అదుపులోకి తీసుకొని విచారిస్తున్నారు. మహబూబ్ఖాన్ పరారీలో ఉన్నట్లు పోలీసులు తెలిపారు. షాంపూ తయారీకి ఉపయోగించే సామగ్రిని స్వాధీనం చేసుకున్నారు. దాని విలువ సుమారు అరవై లక్షలు ఉంటుందని పోలీసులు వెల్లడించారు.
