తేలు కాటుకు గురై ఓ యువకుడు మృతి చెందిన దుర్ఘటన భద్రాద్రి కొత్తగూడెం జిల్లా కరకగూడెం మండలం అనంతారంలో చోటుచేసుకుంది. శ్రీరామ్ అనే యువకుడు సెట్రింగ్ కర్రల్ని తీస్తుండగా తేలు కరిచింది. వెంటనే ఖమ్మంలోని ఓ ఆసుపత్రిలో చికిత్స పొందుతూ మరణించాడు.
భద్రాద్రి కొత్తగూడెం జిల్లా కరకగూడెం మండలం అనంతారం గ్రామంలో తేలు కాటుకు గురై శ్రీరామ్ రాణా ప్రతాప్(28) అనే యువకుడు మృతి చెందాడు. ములుగు జిల్లా మంగపేట మండలం అకినేపల్లి మల్లారంలో సెంట్రింగ్ కర్రల్ని ఇంటికి తీసుకొచ్చేందుకు వెళ్లాడు. సెట్రింగ్ కర్రల్ని తీస్తుండగా తేలు గట్టిగా కరిచింది. వెంటనే స్థానికులు, కుటుంబ సభ్యులు జానంపేట ఆసుపత్రికి తీసుకుని వెళ్లారు. మెరుగైన వైద్యం కోసం భద్రచాలం ఆ తర్వాత ఖమ్మం తరలించారు. ఆసుపత్రిలో చికిత్స పొందుతూ రాణా ప్రతాప్ తుదిశ్వాస విడిచాడు. చెట్టంత కొడుకు తమ ముందే మృతితో తల్లిదండ్రుల బాధ వర్ణణాతీతంగా ఉంది.
