హైదరాబాద్ తిరుమలగిరి పోలీస్ స్టేషన్ పరిధిలో ఓ కారు.. ఆర్టీసీ బస్సును ఢీకొట్టింది. ఈ ప్రమాదంలో కారులో ఉన్న యువకులకు స్వల్ప గాయాలయ్యాయి.వేగంగా దూసుకొచ్చిన కారు.. ఆర్టీసీ బస్సును ఢీ కొట్టిన ఘటన హైదరాబాద్ తిరుమలగిరి పోలీస్ స్టేషన్ పరిధిలో జరిగింది. శనివారం రాత్రి 11 గంటల సమయంలో కోరుట్ల డిపోకు చెందిన ఆర్టీసీ బస్సు తిరుమలగిరి వైపు వస్తున్న క్రమంలో వెనుక నుంచి వచ్చిన కారు ఢీ కొట్టింది.
అనంతరం రోడ్డుపక్కనున్న గుంతలోకి వెళ్లిపోయింది.ఈ ప్రమాదంలో కారులో ఉన్న యువకులకు స్వల్ప గాయాలయ్యాయి. యువకులు తప్పిదం వల్లనే ప్రమాదం జరిగినట్లు స్థానికులు తెలిపారు. సమాచారం అందుకున్న పోలీసులు.. కారును అక్కడ నుంచి తరలించారు. యువకులను అదుపులోకి తీసుకున్నారు.
