పశ్చిమ బెంగాల్లో తాము అధికారంలోకి రాగానే రాష్ట్రంలో అందరికీ కరోనా వ్యాక్సిన్ ఉచితంగా ఇస్తామని భార‌తీయ జ‌న‌తాపార్టీ బెంగాల్ శాఖ ప్రకటించింది. పశ్చిమ బెంగాల్లో బీజేపీ అధికారంలోకి వచ్చిన వెంటనే, ప్రతి ఒక్కరికీ కొవిడ్-19 వ్యాక్సిన్ ఉచితంగా ఇస్తామని ఆ పార్టీ నేతలు పేర్కొన్నారు. మే 5 నుంచి రాష్ట్రంలో అందరికీ కరోనా వ్యాక్సిన్ ఉచితంగా ఇస్తామంటూ తృణమూల్ కాంగ్రెస్ అధినేత్రి, ముఖ్యమంత్రిమమతా బెనర్జీ-గురించి లేటెస్ట్ అప్డేట్స్, ఫోటోలు, వీడియోల కొరకు వెంటనే క్లిక్ చేయండి. '> మమతా బెనర్జీ ప్రకటించిన సంగ‌తి తెలిసిందే. ఈ ప్రకటన వెలువడిన త‌ర్వాత‌రోజే బీజేపీ ఈ ప్రకటన చేయడం గమనార్హం. ఎన్నికల ఫలితాలు వెలువడిన తర్వాత మే 5న అందరికీ ఉచితంగా వ్యాక్సిన్ వేస్తామ‌ని మమత పేర్కొన్నారు. మే 1 నుంచి 18 ఏళ్లు నిండిన అందరూ కరోనా వ్యాక్సిన్ వేయించుకోవచ్చంటూ మోదీ ప్రభుత్వం ఇప్ప‌టికే ప్రకటించింది. బెంగాల్లో తృణమూల్, బీజేపీ మధ్య హోరాహోరీగా సాగుతున్న ఎన్నికల స‌మ‌రం చివ‌రి అంకానికి చేరుకుంటోంది. మే 2న ఫలితాలు వెల్ల‌డి కానున్నాయి.
