ఏపిలో కరోనా డేంజర్ బెల్స్ మోగిస్తుంది. రోజు వారి కరోనా పాజిటివ్ కేసులు మరియు కరోనా మరణాలు రికార్డ్ స్దాయిలో నమోదు అవుతున్నాయి. శనివారం ఉదయం 9 గంటలనుంచి ఆదివారం ఉదయం 9 గంటల మధ్య రాష్ట్రవ్యాప్తంగా.. 24 గంటల వ్యవధిలో24,171 మందికి కరోనా నిర్ధారణ అయింది. 101 మంది మరణించారు. ఒకే రోజు వందకుపైగా మరణాలు నమోదవ్వటం ఈ నెలలో ఇది రెండోసారి. రాష్ట్రంలో ప్రతి గంటకు సగటున 1,007 మంది కొవిడ్‌ బారిన పడుతుండగా.. నలుగురు ప్రాణాలు కోల్పోతున్నారు. ఈనెల ఒకటో తేదీన 19.76 శాతంగా ఉన్న పాజిటివిటీ రేటు క్రమంగా పెరుగుతూ ఆదివారంనాటికి 25.56 శాతానికి చేరింది.
