బాలీవుడ్ ప్రముఖ గాయకుడు, నటుడు యో యో హనీ సింగ్ భార్య షాలినీ తల్వార్ అతనిపై గృహ హింస, లైంగిక హింస, మానసిక వేధింపులు మరియు ఆర్థిక మోసం కేసు నమోదు చేసింది. ఆమె 'గృహ హింస నుంచి మహిళలను రక్షించే చట్టం’ కింద ఢిల్లీలోని టిస్ హజారీ కోర్టులో పిటిషన్ దాఖలు చేసింది. ఈ రోజు ఆగస్టు 3న టిస్ హజారీ కోర్టు శ్రీమతి తానియా సింగ్ చీఫ్ మెట్రోపాలిటన్ మేజిస్ట్రేట్ ముందు కేసు నమోదు చేయబడింది. హనీ సింగ్ భార్య షాలినీ తల్వార్ తరపున న్యాయవాద సంస్థ కరంజవాలా అండ్ కో నుండి న్యాయవాది సందీప్ కపూర్, అపూర్వ పాండే, జిజి కశ్యప్ హాజరయ్యారు. ఆగష్టు 28లోపు తన ప్రత్యుత్తరం దాఖలు చేయాలని కోర్టు హనీ సింగ్‌కు నోటీసు జారీ చేసింది. షాలిని తల్వార్‌కి అనుకూలంగా మధ్యంతర ఉత్తర్వులు జారీ చేసింది. హనీ సింగ్ తన ఉమ్మడి ఆస్తిని వదులుకోవడాన్ని నిరోధించింది. 

2014లో రియాలిటీ షో "ఇండియాస్ రాస్టార్" ఎపిసోడ్‌లో హనీ సింగ్ తన భార్యను ప్రేక్షకులకు పరిచయం చేశాడు. అతను బాలీవుడ్ మెగా ప్రాజెక్టులలో నటించడానికి ముందు వివాహం చేసుకోవడం చాలా మందిని ఆశ్చర్యానికి గురి చేసింది. యో యో హనీ సింగ్ దీపికా పదుకొనే, సైఫ్ అలీ ఖాన్ చిత్రం "కాక్టెయిల్‌"లోని అతని "అంగ్రేజీ బీట్" పాట సూపర్‌హిట్ అయిన తర్వాత అదే ఆయన ఇంటి పేరుగా మారింది. ఈ పాట 2011లో అగ్రస్థానంలో నిలిచింది. ఈ గాయకుడు పార్టీ సాంగ్స్ తో ప్రసిద్ధి చెందాడు.

మరింత సమాచారం తెలుసుకోండి: