అమెరికాలోని టేనస్సీలోని సూపర్ మార్కెట్‌లో నిన్న మధ్యాహ్నం జరిగిన కాల్పుల్లో ఒకరు మరణించగా, 12 మంది గాయపడినట్లు సమాచారం, ఈ సమయంలో కాల్పులు జరిపిన నిందితుడు కూడా చనిపోయినట్లు గుర్తించారు. అతను తనను తాను కాల్చుకున్నట్లు అనుమానిస్తున్నారు. మొత్తం 13 మందిని కాల్చివేశారని, వారిలో 12 మందిని ఆసుపత్రికి తరలించామని, కొంత మందికి తీవ్ర గాయాలయ్యాయని ఏరియా పోలీస్ చీఫ్ డేల్ లేన్ తెలిపారు. నేను 34 సంవత్సరాలు ఈ వృత్తిలో ఉన్నానని, నేను ఇప్పటి వరకు ఇలాంటిదేమీ చూడలేదని ఆయన అన్నారు. మెంఫిస్‌కు తూర్పున 30 మైళ్ల (50 కిలోమీటర్లు) శివారులోని సూపర్ మార్కెట్ క్రోగర్ స్టోర్‌లో కాల్పులు జరిగినట్లు పోలీసు చీఫ్ లేన్ తెలిపారు.నిందితుడి మృతదేహాన్ని చూసిన తర్వాత, నేరం చేసిన తర్వాత అతను తనను తాను కాల్చుకున్నట్లు అనిపిస్తుందని అధికారులు తెలిపారు. కాల్పులు జరిపిన నిందితుడు తనను తాను కాల్చుకున్నట్లు ప్రాథమికంగా కనిపిస్తోందని, అందుకే అతను మరణించాడని చెబుతున్నారు.
