అనంతరం బాలయ్య మీడియాతో మాట్లాడారు. “అఖండ” సినిమా అఖండ విజయం సాధించిన సంద‌ర్భంగానే విశాఖలో విజయోత్సవ సభను ఏర్పాటు చేశామ‌ని.. ముందుగా స్వామివారిని దర్శనం చేసుకుని కృతజ్ఞతలు తెలియ చేసుకునేందుకు వచ్చామని చెప్పారు. ఈ ఏడాది తొమ్మిది నెలల త‌రువాత విడుదలైన సినిమాకు మంచి ఆదరణ చూపించిన ప్రేక్షక దేవుళ్లకు కృతజ్ఞతలు తెలిపారు బాలకృష్ణ. ఇది మా విజయం మాత్రమే కాదు… చిత్ర పరిశ్రమంతా విజ‌య‌మ‌ని పేర్కొన్నారు. ఈ అఖండ సినిమాతో చలన చిత్ర పరిశ్రమకు ఒక ధైర్యం వచ్చిన‌ద‌ని.. మంచి సినిమాలను ఎప్పుడు ప్రేక్షకులు ఆదరిస్తారు అని ఆనందం వ్యక్తం చేసారు బాలకృష్ణ. అయితే ఈరోజు సాయంత్రం 6 గంట‌ల‌కు వైజాగ్‌లోని ఎంజీఎం గ్రౌండ్‌లో యూడా పార్క్‌లో అఖండ విజ‌యోత్స‌వానికి ప్లాన్ చేసారు మేకర్స్. ఇప్పటికే చిత్ర‌బృందం అక్క‌డికీ చేరుకున్న‌ది.
