ఇక్కడ ఓ మెకానికల్ ఇంజనీర్ కూడా ట్రేడింగ్ లో డబ్బులు పెట్టి భారీగా నష్టపోయాడు. అయితే ఇక ట్రేడింగ్ నష్టపోయిన డబ్బులు తిరిగి ఎలా పొందాలి అని ఆలోచించాడు. అతని మైండ్ లో ఉద్యోగం వ్యాపారం చేసుకోవాలి అనే ఆలోచన రాలేదు. దొంగతనం చేస్తే ఎంతో సులభంగా డబ్బులు సంపాదించవచ్చు అని అనుకున్నాడు. మనసులో ఈ ఆలోచన వచ్చిందో లేదో దాన్ని అమలు లో పెట్టడం మొదలుపెట్టాడు.. ఇళ్లలో దొంగతనాలకు పాల్పడుతూ ఏం వస్తుంది అనుకున్నాడో ఏమో.. ఏకంగా బ్యాంక్ కె కన్నం వేసేందుకు సిద్ధమైపోయాడు ఈ మెకానికల్ ఇంజనీర్.
ఈ క్రమంలోనే బ్యాంకు లోకి చొరబడి వెంట తెచ్చుకున్న కత్తితో బ్యాంక్ సిబ్బందిని బెదిరించడం మొదలుపెట్టాడు. ఈ క్రమంలోనే 3.76 లక్షల నగదుతో పాటు 1.80 కిలోల బంగారు ఆభరణాలను కూడా దోచుకెళ్లాడు ఆ దొంగ. అయితే నిందితుడు బ్యాంకు నుంచి బయటకు వెళ్లగానే బ్యాంకు సిబ్బంది పోలీసులకు ఫిర్యాదు చేశారు. సంఘటనా స్థలానికి చేరుకున్న పోలీసులు సీసీటీవీ ఫుటేజీ ఆధారంగా నిందితుడిని అరెస్టు చేశారు. అంతేకాకుండా ఇక నిందితుడు దోచుకెళ్లిన నగదు నగలను మొత్తం రికవరీ చేసి బ్యాంకు అధికారులకు అప్పగించారు. ఘటన స్థానికంగా కలకలం సృష్టించింది.