ఇక ప్రేమించి పెద్దలని ఎదిరించి పెళ్లి చేసుకున్న తర్వాత పరువు హత్యలు కారణంగా ప్రాణాలు కోల్పోయిన వారు మరికొంత మంది. ఇలా ప్రేమ అంటే మధుర జ్ఞాపకాలు ఎన్నో తీయని గుర్తు లకు కేరాఫ్ అడ్రస్ అన్న విధంగా కాకుండా ప్రేమ అనేది ప్రాణాలు పోవడానికి కేరాఫ్గా మారిపోయింది నేటి రోజుల్లో. ప్రతిరోజూ ఎక్కడో ఓ చోట ప్రేమ అనే కారణంతో ప్రాణాలు పోతూనే ఉన్నాయని చెప్పాలి. ఇక్కడ ఇలాంటి ఒక విషాదకర ఘటన జరిగింది. ప్రేమ విఫలం అయింది అన్న కారణంతో యువకుడు ఆత్మహత్య చేసుకుని బలవన్మరణానికి పాల్పడ్డాడు.
ఈ విషాదకర ఘటన మెదక్ జిల్లా సిర్గాపూర్ మండలం చిన్న ముబారక్ పూర్ లో వెలుగులోకి వచ్చింది. ఇటీవలే పోలీసులు తెలిపిన వివరాల ప్రకారం గ్రామానికి చెందిన ఫకీర్ అహ్మద్ అనే పదిహేడేళ్ల బాలుడు అదే గ్రామానికి చెందిన యువతిని ప్రేమించాడు. సదరు యువతి కూడా అతని ప్రేమను అంగీకరించడం తో ఎన్నో రోజుల నుంచి ప్రేమలో మునిగి తేలుతున్నారు. అయితే ఇటీవలే ఫకీర్ ఆహ్మద్ ప్రేమించిన యువతిని వేరొకరితో పెళ్లి నిశ్చయమైనది తెలుస్తుంది. దీంతో ప్రేమ విఫలంఅయింది అన్న విషయాన్ని తట్టుకోలేకపోయాడు. ఇక ఇంట్లో ఎవరూ లేని సమయంలో గదిలో ఉరేసుకుని ఆత్మహత్యకు పాల్పడ్డాడు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు..