ఈ క్రమం లోనే సీసీటీవీ కెమెరాలో బ్యాంక్ డిజిటల్ వీడియో రికార్డర్ గా భావించి చివరికి రూటర్ ని ఎత్తుకెళ్లాడు దొంగ. నర్సింగాపూర్ బ్రాంచ్ లోని ఎస్బిఐ బ్యాంకు లో ఈ ఘటన చోటు చేసుకోవడం గమనార్హం. తెల్లవారుజామున మూడున్నర గంటల సమయంలో బ్యాంకులోకి ప్రవేశించాడు దొంగ. బ్యాంకులో నగదు కోసం ఎంత వెతికినా ఫలితం లేకుండా పోయింది అని చెప్పాలి. దీంతో ఎంతో కష్టపడి లోపలికి వచ్చాను.. దొరికిన ఏదో ఒక వస్తువు తీసుకుంటే సరిపోతుంది కదా అనుకున్నాడు. ఇంటర్నెట్ సేవలు అందించే రూటర్ తీసుకుని పారిపోయాడు.
ఇందుకు సంబంధించిన వీడియో మొత్తం సీసీటీవీ ఫుటేజ్ లో రికార్డు కావడం గమనార్హం. అయితే తర్వాత మర్నాడు యధావిధిగా డ్యూటీ కి వచ్చిన బ్యాంకు సిబ్బంది బ్యాంకు లో దొంగలు పడ్డారు అనే విషయాన్ని గుర్తించారు. లాకర్ పగలగొట్టేందుకు ప్రయత్నించి విఫలమైనట్లు ఒక నిర్ణయానికి వచ్చారు. బ్యాంకుకు చెందిన కొన్ని తాళాలతో పాటు రూటర్ ని కూడా ఎత్తుకు వెళ్ళినట్లు గ్రహించి వెంటనే పోలీసులకు సమాచారం అందించగా కేసు నమోదు చేసుకున్న పోలీసులు దర్యాప్తు చేస్తున్నారు. ఘటన స్థానికంగా సంచలనం గా మారిపోయింది అని చెప్పాలి.
