ఇప్పుడు ఇలాంటిదే జరిగింది. సాధారణంగా కుటుంబంలో ఎవరైనా ప్రియమైన వారు చనిపోతే బాధ ఎంత ఉంటుంది అన్నది మాటల్లో వర్ణించడం చాలా కష్టం అని చెప్పాలి. ఇక ఇలా ప్రియమైన వారు చనిపోయినప్పుడు ఏకంగా బరువెక్కిన గుండెతోనే అంత్యక్రియలు నిర్వహించడం లాంటివి చేస్తూ ఉంటారు. అయితే ఇక తర్వాత వారి గురించి ఎన్నో రోజులపాటు బాధపడటం ఇక తర్వాత మరచి పోవడం ప్రతి ఒక్కరూ చేసేదే. కానీ కొంతమంది మాత్రం ప్రియమైన వారు చనిపోయారు అన్న కారణంతో తమ జీవితం కూడా ముగిసిపోయిందని భావిస్తూ క్షణికావేషంలో నిర్ణయాలు తీసుకొని బలవన్మరణాలకు పాల్పడుతున్నారు.
ఇక్కడ ఒక కొడుకు ఏకంగా తల్లి మరణాన్ని తట్టుకోలేక చివరికి ఆత్మహత్య చేసుకున్నాడు. ఈ ఘటన మెదక్ జిల్లా చిన్న కోడూరు మండల కేంద్రంలో వెలుగులోకి వచ్చింది. చిన్నకోడూరు గ్రామానికి చెందిన నిమ్మల విగ్నేష్ 21 ఏళ్ల యువకుడు ఏడాది డిసెంబర్ 8వ తేదీన తల్లిని కోల్పోయాడు. కుటుంబ సమస్యల కారణంగా ఆమె ఆత్మహత్య చేసుకుంది. ఇక నాటి నుంచి మనస్థాపానికి గురయ్యాడు యువకుడు. తల్లి మరణాన్ని జీర్ణించుకోలేక ఇటీవల ఏకంగా పురుగుల మందు తాగి ఆత్మహత్యాయత్నం చేయగా కుటుంబ సభ్యులు గమనించి ఆసుపత్రికి తరలించారు. చివరికి చికిత్స పొందుతూ మరణించాడు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
