కాగా చిన్న చిన్న వీడియోలను తీస్తూ వాటిని సోషల్ మీడియాలో పోస్ట్ చేస్తూ ఉంటారు. కాగా ఈ క్రమంలోనే అర్జున్ కు గతేడాదిలో వర్ణణ మల్లిఖార్జున్ అనే యువతితో పరిచయం ఏర్పడింది. ఈ పరిచయం కాస్త ఫోన్ నెంబర్లు మార్చుకునే వరకు వచ్చింది. ఇక అప్పటినుంచి ప్రతిరోజు వాట్సాప్ చాటింగ్ లు చేసుకునేవారు. కాగా ఆ చాటింగ్ కాస్త ప్రేమగా అవతారమెత్తింది. నాకు అమ్మానాన్న లేరు.. నా తమ్ముడిని, నన్ను మా అక్కే చదివించిందని ఆ యువతి అర్జున్ ను నమ్మించింది. ఇంకేముంది ప్రేమ దాకా వచ్చిన బంధాన్ని పెళ్లితో ముడిపెడదామని ఆ యువకుడిని కోరింది. దానికి ఆ యువకుడు కూడా సంబురపడి పోయి ఓకే కూడా చెప్పేసాడు. ఇంకేముంది అప్పటి నుంచి ఆ యువతి అర్జున్ పర్సును ఖాళీ చేసే పని పెట్టుకుంది. లాప్ టాప్, బంగారు ఆభరణాలు, కరోనా హాస్పటల్ బిల్లు అంటూ వివిధ కారణాలు చెప్పి మొత్తంగా రూ.6 లక్షల వరకు వసూలు చేసింది.
ఇక ఇదిలా ఉంటే నవంబర్ లో మన పెళ్లి రోజు ఫిక్స్ చేసానని వర్ణన అర్జున్ చెవిలో పెద్ద క్యాలీఫ్లవర్ పెట్టింది. పెళ్లి ఖర్చులకు డబ్బులు కావాలంటూ అర్జున్ ను అడిగింది. చేసుకునే పిల్లనే కదా అని అర్జున్ కూడా అడిగినన్నీ ఇచ్చాడు. కేవలం 25 రోజుల వ్యవధిలోనే రూ.8 లక్షల డబ్బు, బంగారు ఆభరణాలు పంపించాడు. పాపం.. పాప అసలు రంగును అర్జున్ పెళ్లికి రెండు రోజులు ఉందనంగా తెలుసుకున్నాడు. కాల్ చేస్తే స్విచ్ ఆఫ్ చేసేసింది. ఇంకేముంది కిలాడీ పాప చేసిన మోసానికి అర్జున్ బాబుగారు షాక్ అయ్యారు. అయ్యో.. నిలువునా మోసం చేసిందే.. అంటూ లబోదిబో మొత్తుకుని పోలీసులకు ఫిర్యాదు చేశాడు. కాగా కేసు నమోదు చేసుకున్న పోలీసులు ఆ మాయలేడీని కనిపెట్టే పనిలో పడ్డారు. అందుకోసమే ఫోన్ ప్రేమలకు దూరంగా ఉండమని చెప్పేది.. ఎంత చెప్పినా కొందరు మూర్కులు మారక.. ఇలాంటి వాటికి మోసపోతూనే ఉంటారు పాపం.