అయితే ఈ ఘటనకు సంబంధించి పూర్తి వివరాల్లోకెళితే.. పాతబస్తీని చెందిన ఓ యువకుడు స్థానికంగా ఉండే యువతిని ప్రేమించాడు. ఆమెను పెళ్లి కూడా చేసుకుందాం అనుకున్నాడు. కానీ ఇంతలో యువతి తల్లిదండ్రులు ఆమెకు మరో వ్యక్తితో వివాహం నిశ్చయించారు. పాతబస్తీలోని మైలార్‌దేవ్ పల్లి శాస్త్రీపురం కింగ్స్ కాలనీకి చెందిన నదీమ్ అనే యువకుడికి ఆ అమ్మాయినిచ్చి పెళ్లి చేయాలని యువతి కుటంబ సభ్యులు నిర్ణయించారు.
ఈ తరుణంలో యువతికి, నదీమ్‌కు నిశ్చితార్థం జరిపించారు. అయితే ఇది తెలుసుకున్న ప్రియుడు.. నిశ్చితార్థాన్ని జీర్ణించుకోలేకపోయాడు. ఎలాగైనా ఈ పెళ్లిని ఆపాలని డిసైడ్ అయ్యాడు. ఇంకేముందు నదీమ్‌ను కిడ్నాప్ చేయాలని భావించాడు. ఆ మేరకు స్కెచ్ వేశాడు. శనివారం నాడు నదీమ్ బైక్‌పై వెళ్తుండగా.. సదరు ప్రియుడు కారులో వచ్చి అడ్డగించాడు. నదీమ్‌ను కారులోకి లాక్కె్ళ్లి కిడ్నాప్ చేశాడు.
ఇక యువతిని తాను ప్రేమించానని, ఆమెతో పెళ్లిని క్యాన్సిల్ చేసుకోవాలంటూ బెదిరింపులకు పాల్పడ్డాడు. కాగా, ఈ కిడ్నాప్ కు వ్యవహారం అంతా ఘటనా స్థలంలో ఉన్న సిసి కెమెరాలో రికార్డ్ అయ్యింది. విషయం తెలుసుకున్న పోలీసులు కిడ్నాప్ వ్యవహారంపై కేసు నమోదు చేసుకున్నారు. సిసి కెమెరా ఫుటేజీ ఆధారంగా దర్యాప్తు చేస్తున్నారు. ఈ ఘటనకు సంబంధించి పూర్తి వివరాలు ఇంకా తెలియాల్సి ఉంది.
