పోర్న్ కంటెంట్ వ్యవహారంలో మాల్వాని పోలీస్ స్టేషన్ లో కేసు నమోదైంది. ముంబై సమీపంలోని మాద్ ద్వీపంలో ఒక బంగ్లాపై దాడి చేసిన పోలీసులు... పోర్న్ కంటెంట్ షూటింగ్ చేస్తున్న ఐదుగురిని అరెస్ట్ చేశారు. ఆ కేసులో ఇప్పటికే ప్రాపర్టీ సెల్ పోలీసులు కేసు నమోదు చేసి దర్యాప్తు చేస్తున్నారు. పోర్న్ కంటెంట్ వ్యవహారంలో అరెస్టైన రాజ్ కుంద్రా... ప్రస్తుతం 14 రోజుల జ్యుడిషియల్ కస్టడీలో ఉన్నారు.
అటు అంతర్గత వాణిజ్య నిబంధనలను ఉల్లంఘించిన ఆరోపణలపై శిల్పాశెట్టి, రాజ్ కుంద్రా సహా అతని సంస్థలపై 3 లక్షల జరిమానా విధించింది మార్కెట్ రెగ్యులేటర్ సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా సెబీ. రాజ్ కుంద్రాను కీ కుట్రదారుడు అని పిలిచారు ముంబై పోలీసులు. మోసం చేయడంతో పాటు అశ్లీల, అసభ్య ప్రకటనలు, ప్రదర్శనలకు పాల్పడినట్లు భారత శిక్షాస్మృతిలోని వివిధ సెక్షన్ల కింద రాజ్ కుంద్రాపై ముంబై పోలీసులు కేసు నమోదు చేశారు.
సమాచార సాంకేతిక చట్టం, మహిళల అసభ్య ప్రాతినిధ్య నిషేధ చట్టంలోని విభాగాలను కూడా ముంబై పోలీసుల ఉపయోగించారు. హాట్ షాట్ అనే యాప్ ద్వారా అశ్లీల కంటెంట్ ను అప్ లోడ్ చేసిన కేసులు 10 మందితో పాటు రాజ్ కుంద్రాను కూడా పోలీసులు అరెస్ట్ చేశారు. గతేడాది ఆగస్టు, డిసెంబర్ మధ్య హాట్ షాట్ యాప్ చందాదారుల నుంచి రాజ్ కుంద్రా కోటీ 17 లక్షల రూపాయలు వసూలు చేసినట్లు రిమాండ్ దరఖాస్తులో ముంబై పోలీసులు వెల్లడించారు. రాజ్ కుంద్రా బెయిల్ పిటిషన్ ను బాంబే హైకోర్టు విచారించనుంది.
