పిల్ల‌లు కావాల‌ని కొంత మంది పూజ‌లు, పుర‌స్కారాలు వంటివి చేస్తుంటారు. భార్య భ‌ర్త‌లు ఉప‌వాసాలు, దేవుళ్లు ఇలా ప‌లు కార్య‌క్ర‌మాలు చేసి.. వైద్యుల‌ను సంప్ర‌దించి ప‌లు సూచ‌న‌లు పాటిస్తుంటారు. కానీ మ‌ధ్య ప్ర‌దేశ్ రాష్ట్రంలోని ఉజ్జ‌యినిలో ఓ దారుణ‌మైన ఘ‌ట‌న చోటు చేసుకున్న‌ది. ఓ దుర్మారుడు పిల్ల‌ల కోసం ఏకైక ఒక మ‌హిళ‌ను దాదాపు 16 నెల‌ల పాటు నిర్భందించి ప‌లుమార్లు లైంగికదాడికి పాల్ప‌డ్డాడు. ఈ త‌తంగానికి స్వ‌యాన నింధితుని భార్య కూడ స‌హ‌క‌రించ‌డం గ‌మ‌నార్హం. ఆ త‌రువాత బాధితురాలు పండంటి బిడ్డ‌ను ప్ర‌స‌వించ‌డంతో స‌మీపంలోని బ‌స్టాండ్ వ‌ద్ద‌నే వ‌దిలిపెట్టేసి వెళ్లిపోయాడు ప్ర‌బుద్దుడు. దీంతో అప‌స్మార‌క స్థితిలో ప‌డి ఉన్న మ‌హిళ‌ను గుర్తించిన పోలీసులు ఆమెను విచారించారు. ఆమెపై జ‌రిగిన అఘాయిత్యం వెలుగులోకి వ‌చ్చిన‌ది.  ద‌ర్యాప్తును ప్రారంభించి నిందుతుడిని అదుపులోకి తీసుకున్నారు పోలీసులు.

వివ‌రాల్లోకి వెళ్లితే.. ఉజ్జ‌యినీలోని క‌థ్ బ‌రోడా గ్రామానికి చెందిన రాజ్‌పాల్‌సింగ్, చంద్రకాంతలు భార్య భ‌ర్త‌లు. వారికి పిల్ల‌లు లేర‌ని ఈ దంప‌తులు త‌రుచూ బాధ‌ప‌డుతుండేవారు. ఈ త‌రుణంలోనే త‌న‌కు తెలిసిన కొంద‌రి వ్య‌క్తుల స‌హకారం, ప‌లుకుబ‌డి ఉప‌యోగించి రాజ్‌పాల్‌సింగ్‌ మ‌హారాష్ట్రలోని నాగ‌పూర్ నుంచి 21 ఏండ్ల మ‌హిళ‌ను ఉజ్జ‌యినికి తీసుకొచ్చాడు. త‌న స‌తీమ‌ణి చంద్ర‌కాంత స‌హాయంతో ప‌లుమార్లు ఆ మ‌హిళ‌ల‌పై అత్యాచారానికి పాల్ప‌డ్డాడు. చంద్ర‌కాంత‌-రాజ్‌పాల్ సింగ్ దంప‌తుల‌కు ఇదివ‌ర‌కే ఇద్ద‌రు పిల్ల‌లు పుట్టి చ‌నిపోయారు. మ‌ర‌ల పిల్ల‌లు క‌ల‌గ‌పోవ‌డంతో ఈ అఘాయిత్యానికి పాల్ప‌డ్డారు.

నాగ‌పూర్‌కు చెందిన మ‌హిళ సాయంతో వారు త‌ల్లిదండ్రులు అవుదామ‌ని భావించి తీసుకొచ్చారు. ఆ మ‌హిళ‌ను చిత్ర హింస‌లు పెట్టేవారు. అందులో భాగంగానే ఆ మ‌హిళ‌ల‌ను నిత్యం టార్చ‌ర్‌కు గురిచేసి రాజ్‌పాల్‌సింగ్  బ‌ల‌వంతంగా అత్యాచారానికి ఒడిగ‌ట్టాడు. దాదాపు 16 నెల‌లోనే ఇంట్లోనే బంధించి ప‌లుమార్లు లైంగిక దాడి చేసారు. ఆ బాధితురాలు ఈ మ‌ధ్య‌నే ఓ బిడ్డ‌కు జ‌న్మినిచ్చింది. నిందితుడు రాజ్‌పాల్‌సింగ్ ఆ మ‌హిళ‌ను బ‌స్టాండ్‌లోనే వ‌దిలిపెట్టి వెళ్లాడు. అప‌స్మార‌క స్థితిలోకి వెళ్లిన మ‌హిళ‌ను పోలీసులు గ‌మ‌నించి ఆరా తీయ‌గా ఈ త‌తంగం వెలుగులోకి వ‌చ్చింది. కేసు న‌మోదు చేసుకుని పోలీసులు రాజ్‌పాల్ సింగ్ దంప‌తుల‌తో పాటు వీరికి స‌హ‌క‌రించిన వీరేంద్ర‌, కృష్ణ‌పాల్‌, అర్జున్‌ల‌పై హ్యుమ‌న్ ట్రాఫికింగ్, అత్యాచార య‌త్నం, కిడ్నాపింగ్ సెక్ష‌న్‌ల కింద కేసులు నమోదు చేసారు.

మరింత సమాచారం తెలుసుకోండి:

#16 నెలలపాటు అత్యాచారం

N ANJANEYULU

13/11/2021 06:33 AM