ఇక్కడ ఇలాంటి తరహా ఘటన వెలుగులోకి వచ్చింది. భార్య వేధింపులు తాళలేక పోయిన భర్త ఎంతో మనస్థాపం చెందుతూ వచ్చాడు. తల్లి లాగా చూసుకుంటుంది అన్న భార్య చిత్రహింసలకు గురి చేయడంతో జీవితం అక్కడితో ముగిసిపోయింది అని భావించాడు. రోజురోజుకు వేధింపులు ఎక్కువవడంతో ఇక చావే శరణ్యమని భావించి చివరికి బలవన్మరణానికి పాల్పడ్డాడు. అంతకుముందు ఒక వీడియోను సోషల్ మీడియాలో పోస్ట్ చేసి పురుగుల మందు తాగి ఆత్మహత్య చేసుకున్నాడు.
వివరాల్లోకి వెళితే... షేక్ పేట కు చెందిన సంతోష్ అనే వ్యక్తి ఎంబీఏ చదివాడు. ఇక ప్రస్తుతం బ్యాంక్ ఆఫ్ అమెరికా లో ఉద్యోగం చేస్తున్నాడు సదరు వ్యక్తి. ఇతనికి 2013లో ఫలక్నుమా కు చెందిన యువతితో పెళ్లి జరుగగా వీరిద్దరికీ ఆరేళ్ల కుమారుడు కూడా ఉన్నాడు. కొన్నాళ్ళ వరకు సాఫీగా సాగిపోతున్న వీరి సంసారంలో మనస్పర్ధలు మొదలయ్యాయ్. దీంతో గత కొంతకాలం నుంచి ఏదో విషయంలో ఇద్దరి మధ్య గొడవ జరుగుతూనే ఉంది. ఇటీవలే భార్య తీరుతో మనస్తాపం చెంది భర్త ఆత్మహత్య చేసుకున్నాడు. ఆత్మహత్య చేసుకోవడానికి ముందు ఒక వీడియో చిత్రీకరించి సోషల్ మీడియాలో పోస్ట్ చేశాడు. తన చావుకు భార్య,అత్తమామలు, బామ్మర్ది, చిన్న మామ కారణం అంటూ వీడియో ద్వారా తెలిపాడు. నన్ను క్షమించండి ఎంతో జీవితాన్ని చూడాలి అనుకున్న కానీ చావక తప్పడం లేదు. నా కొడుకునూ ఉన్నత స్థితిలో ఉండేలా స్కూల్లో చేర్పించా కానీ నా భార్య అన్నింటికి అడ్డు పడుతుంది. అందుకే మనస్థాపంతో చనిపోతున్నాను అంటూ వీడియోలో తెలిపాడు.
