వాస్తవంగా తెలంగాణ అసెంబ్లీ ఎన్నికల ముందు కూడా పలు ఇంటర్య్యూల్లో ఇదే విషయాన్ని ప్రస్తావించారు. నాలుగో నగరం నిర్మిస్తామని చెప్పారు. దీంతో పాటు అధికారంలోకి వస్తామని కుండబద్దలు కొట్టారు. ఇప్పుడు కూడా అదే కాన్ఫిడెన్స్ తో నాలుగో నగరం నిర్మాస్తాం.. భవిష్యత్తు అవసరాలకు అనుగుణంగా దాని నిర్మాణం ఉంటుందని తెలిపారు.
అంతే కాదు సీఎంగా బాధ్యతలు చేపట్టిన దగ్గర నుంచి.. ఫార్మాసిటీ వద్ద కొత్త నగరాన్ని క్రియేట్ చేస్తామని.. దీని కోసం భారీ ప్రాధాన్యం ఇవ్వనున్నట్లు చెప్పడం తెలిసిందే. ఈ కొత్త చోట ఐటీ కంపెనీలు వ్యాపారం మొదలు.. పర్యాటకం.. విద్య… ఆరోగ్యం.. ఏఐ హబ్ తో పాటు స్కిల్ సిటీగా మారుస్తామని చెబుతున్నారు. నాలుగేళ్ల వ్యవధిలో అద్భుత నగరిగా మారుస్తామని హైదరాబాద్ ఫ్యూచర్ అదేనంటూ రేవంత్ పేర్కొనడం ఆసక్తికరంగా మారింది.
తాజాగా మరోసారి అసెంబ్లీలో ద్రవ్య వినిమయ బిల్లు చర్చ సందర్భంగా కూడా రంగారెడ్డి జిల్లా ముచ్చర్లలో నాలుగు వేల ఎకరాల్లో నగరం రూపుదాలుస్తుంది. ఇది నాలుగో నగరం అవుతుంది. అక్కడ ఆరోగ్య, క్రీడా, హబ్ లు ఏర్పాటు చేస్తాం. ఆ నగరానికి మెట్రో తో అనుసంధానం చేస్తాం. రాష్ట్రం అన్ని రంగాల్లో అభివృద్ధి చెందేలా వ్యవసాయం నుంచి ఏఐ వరకు పలు రంగాలపై నూతన విధానాలను రూపొందిస్తాం అని సీఎం పేర్కొన్నారు. ఇలా ఏం చెప్పినా.. ఎటు తిప్పినా చివరకు ముచ్చర్ల దగ్గరకు వచ్చి ఆగిపోతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి