ఈ సిల్క్ రోడ్ ప్రాజెక్టుపై చైనా ఇప్పటికే లక్షల కోట్ల రూపాయలు వెచ్చించింది. అయితే అనేక కారణాలతో ఇది ముందుకు సాగడం లేదు. ఇప్పుడు తాజాగా ఆస్ట్రేలియా వంటి దేశాలు ఈ సిల్క్ రోడ్ ప్రాజెక్టును వ్యతిరేకిస్తున్నాయి. సరిగ్గా ఇలాంటి సమయంలో భారత్ తన వ్యూహాలను మరోసారి పదును పెట్టింది. చైనా సిల్క్ రోడ్ ప్రాజెక్టుకు ప్రత్యామ్నాయంగా అనేక దేశాల భాగస్వామ్యంతో ఓ పథకాన్ని రూపొందించింది.
ఇప్పుడు ఈ పథకంపై భారత్ యూరోపియన్ యూనియత్‌ తో చర్చలు జరుపుతోంది. కాంప్రహెన్సివ్‌ కనెక్టివిటీ ప్రాజెక్టు పేరుతో భారత్ ఈ ప్రత్యామ్నాయాన్ని సూచించింది. ఈ ప్రాజెక్టు ఇప్పడు యూరోపియన్ యూనియన్ దేశాలను ఆకర్షిస్తోంది. ఇప్పుడు అనేక దేశాలు మన ప్రాజక్టుకు మద్దతు ఇచ్చే పరిస్థితి నెలకొంది. చైనా సిల్క్ రోడ్ ప్రాజెక్టుపై మొదటి నుంచి అంత సదభిప్రాయం లేని అమెరికా వంటి దేశాలు కూడా భారత్ చూపుతున్న ఈ ప్రత్యామ్నాయ ప్రాజెక్టుకే మొగ్గు చూపుతున్నాయి.
ఇప్పుడు భారత్.. యూరోపియన్ యూనియన్ చర్చల్లో ఇదే కీలకం అవుతోంది. ఈ ప్రాజెక్టు కు ఈయూ ఓకే చెబితే.. మరో రెండు నెలల్లో ఇది కార్యాచరణ ప్రారంభం అవుతుంది. మొత్తానికి 2025 నాటికి దీన్ని పూర్తి చేయాలన్నది లక్ష్యం. ఈ ప్రాజెక్టు ద్వారా భారత్ ముఖచిత్రం మారబోతోందని నిపుణులు చెబుతున్నారు. ఈయూతో భారత్ చర్చల్లో భాగంగా ఈ ప్రాజెక్టు విషయం బయటకు వచ్చింది. ఇది నిజంగా చైనాకు షాకింగ్‌ న్యూస్ అవుతుంది.
