ముఖ్యంగా శరీరంలో పీయూష గ్రంథిని నిలువరించి, వాసోప్రెసిన్ హార్మోన్ ఉత్పత్తి అయ్యేలా అల్కహాల్ పని చేస్తుంది. ఈ హార్మోన్ మూత్ర ఉత్పత్తిని ప్రభావితం చేస్తుంది. దీని వల్లే మద్యం తీసుకున్నప్పుడు ఎక్కువ సార్లూ మూత్రానికి వెళ్తుంటారు. దీనివల్ల శరీరంలో నుంచి ఎక్కువ నీరు బయటకు పోవడం ద్వారా డీహైడ్రేషన్ కు గురవుతారు. రక్తంలో నీటి స్థాయిలు తగ్గడం వల్ల తలనొప్పి వచ్చి.. తల బరువెక్కుతుంది. సాధారణంగా చాలామంది అర్ధరాత్రి వరకు తాగుతుంటారు. దీని వల్ల నిద్రమీద కూడా ప్రభావం పడుతుంది.
హ్యాంగోవర్ నుంచి ఉపశమనం పొందేందుకు ఆరోగ్యకరమైన అల్పాహారం తీసుకోవాలి. దీని ద్వారా రక్తంలోని షుగర్ లెవల్స్ నియంత్రణలో ఉండి వికారం, అలసట, బలహీనత వంటివి తగ్గుతాయి. అలాగే గుడ్డు తింటే కూడా హ్యాంగోవర్ తగ్గుతుందని చెబుతారు. గుడ్డులో ఉండే సిస్టీన్ అనే అమైనో ఆమ్లాలు.. ఎసిటాల్డిహైడ్ను వేరుచేయడానికి సాయపడుతాయి. అలాగే మంచి నిద్ర కూడా చాలా అవసరం.