కొంత కరోనా శాంతించింది అని తెలియగానే, అంతర్జాతీయ ప్రయాణాలు చాలా దేశాలు కొనసాగిస్తున్నాయి. కానీ మళ్ళీ ఈ ప్రయాణాలతో ప్రపంచానికి కొత్త వేరియంట్ పాకిపోతుందనే ఉద్దేశ్యంతో మరోసారి ఈ ప్రయాణాలపై సమీక్షించుకుంటున్నాయి ఆయా దేశాలు. ఏది ఏమైనా కాస్త ప్రమాదకరమైన వేరియంట్ అని తెలియగానే అన్ని దేశాలు ముందస్తు జాగర్తలు పాటిస్తుండటం ద్వారా వ్యాప్తి దాదాపు తగ్గిపోతుంది. తద్వారా ఆ వేరియంట్ ప్రభావం కూడా అంతగా ఉండదు. అయితే ఈ ప్రభావం ఎంత కాలం కొనసాగుతుంది అనేది మాత్రం వేచి చూడాల్సిందే. ఒకసారి వ్యాప్తి చెందితే మాత్రం దీనితో ప్రమాదం అని ప్రపంచ ఆరోగ్య సంస్థ కూడా ఇప్పటికే అన్ని దేశాలకు హెచ్చరికలు జారీచేసింది.
ఈ నేపథ్యంలోనే అంతర్జాతీయ ప్రయాణాలకు ఇటీవలే పచ్చ జెండా చూపించిన భారత్ కూడా మరోసారి దానిపై నిర్ణయం వెనక్కు తీసుకునే అవకాశాలు కనిపిస్తున్నాయి. అయితే కొన్ని దేశాలకు మినహా ప్రస్తుతం ఈ ప్రయాణాలపై ఆంక్షలు కొనసాగుతూనే ఉన్నాయి. ఈ నెలలోనే పూర్తిగా ఈ నిబంధనలు సడలించాలి అనుకోగానే, కొత్త వేరియంట్ వార్తలు వచ్చేశాయి. దీనితో మరోసారి వాయిదా తప్పదని తెలుస్తుంది. అదే కాస్త మేలు చేయగలదు. పొరపాటున ఆయా దేశాల నుండి కరోనా భయంతో ఆ ప్రభావం లేని దేశాలకు వెళ్లాలని ప్రజలు ప్రయాణాలు పెట్టుకొనే అవకాశాలు ఉంటాయి, అలాంటి వారికి తెలియకుండానే ఈ రకం అప్పటికే ఉండి ఉంటె, ఆ ప్రమాదం అంతటితో ఆగడు. అసలే కొత్త రకం వ్యాప్తికి ఒక్కరోజు చాలు అంటున్నారు నిపుణులు. ప్రయాణాల కంటే, ఆరోగ్యమే ముఖ్యం.
