కొబ్బరినీళ్లు తాగితే ఎన్నో లాభాలు ఉంటాయని అందరికీ తెలిసిన విషయమే.. వైద్యులు కూడా కొబ్బరి నీళ్ళు తాగాలి అని సూచనలు చేస్తారు. మరి అలాంటి కొబ్బరినీళ్లు మన శరీరానికి ఎన్ని ప్రయోజనాలు చేకూరుస్తాయో తెలుసుకుందామా..? కడుపు తిప్పడం, కళ్ళు తిరగడం గుండె జబ్బులున్నవారికి కొబ్బరి నీళ్లు తాగితే ఆ సమస్యలను చాలావరకు తగ్గించవచ్చని పరిశోధకులు చెబుతున్నారు. అయితే మనం సాధారణంగా కొబ్బరి నీళ్లు ఎక్కువగా ఎండాకాలంలో మాత్రమే తాగుతాము.
 ఎందుకంటే ఆ సమయంలో చాలా ఎండ ఉంటుంది. ఆ వేడి నుంచి ఉపశమనం పొందేందుకు కొబ్బరి నీళ్లు ఎక్కువగా సేవిస్తాం. కొబ్బరినీళ్లు శరీరంలోని హిట్ ను  తగ్గించి మనల్ని క్షణాల్లో చల్లబరుస్తుంది. వీటిలో తక్కువగా కార్బోహైడ్రేట్, పొటాషియం ఉంటాయి. దీనిలో ముఖ్యంగా ఫ్యాట్ కంటెంట్ లేకపోవడం మనకు ఎంతో మేలు చేస్తుంది. ముఖ్యంగా షుగర్ వ్యాధితో బాధ పడేవారు కొబ్బరి నీళ్లు ఎక్కువగా తాగితే షుగర్ అదుపులోకి వస్తుంది. అలాగే కిడ్నీలో రాళ్లు వచ్చిన కొబ్బరి నీళ్లు ఎక్కువగా తీసుకుంటే రాళ్లు కరిగి పోవడంలో ఇవి ఎక్కువగా ఉపయోగపడతాయి. మరీ ముఖ్యంగా మగవారిలో శృంగార శక్తిని పెంచడంలో కొబ్బరి నీటిని మించిన ఔషధం లేదని చెప్పవచ్చు. అలాగే కొబ్బరి నీళ్లు ఎక్కువగా తాగితే త్వరగా ఆకలి కూడా వేయదు. బరువు తగ్గాలని భావించే వారికి కొబ్బరి నీరు దివ్యౌషధం అని చెప్పవచ్చు. దీనిలో కేలరీలు తక్కువగా ఉంటాయి కాబట్టి బరువు తగ్గుతారు.
అలాగే గర్భవతుల్లో మలబద్ధకం మరియు జీర్ణకోశంలో సమస్యలు, గుండెల్లో మంట వంటి సమస్యలను  కొబ్బరినీళ్లు తాగితే అధిగమించవచ్చు. వీటిలో అనేక విటమిన్లు, పోషక పదార్థాలు ఉన్నందున రోగనిరోధక శక్తి పెరిగి మనం ఇతర వైరస్ ల బారిన పడకుండా కాపాడుకోవచ్చు. అలాగే కొబ్బరి నీటిని గోళ్లకు, చేతులకు రాసుకుంటే మంచి నిగారింపు సంతరించుకుంటుంది. ఇందులో చాలా తక్కువ కొవ్వు  ఉంటుంది కాబట్టి రక్తపోటు, ఇన్సులిన్ స్థాయిలను తగ్గించవచ్చని ఓ అధ్యయనంలో తేలినది. మొత్తానికి కొబ్బరి నీరు తాగితే మనిషి ఎల్లప్పుడూ ఆరోగ్యంగా ఉంటాడు అనేది సత్యం.

మరింత సమాచారం తెలుసుకోండి:

Health

MOHAN BABU

18/01/2022 11:43 AM