యూకేలో 2,50,000 మంది పెద్దలు కోవిడ్ ఇన్ఫెక్షన్ కారణంగా పరోస్మియా తో బాధపడుతున్నారని సమాచారం. అయితే గత కొన్ని నెలలుగా ముఖ్యంగా గత సెప్టెంబర్ నుంచి ఇది పిల్లలపై కూడా ప్రభావం చూపుతుందని పరిశోధకులు గుర్తించారు. నిపుణుల అభిప్రాయం ప్రకారం..ఈ రుగ్మత పిల్లలు తినే ఆహారం నుంచి కుళ్ళిన మాంసం లేదా రసాయనాల వంటి అసహ్యకరమైన వాసన లేదా రుచిని అనుభవిస్తారు. రుచులను నిరోధించేందుకు తినేటప్పుడు మృదువైన ముక్కు క్లిప్ ని ఉపయోగించడం పిల్లలకు నేర్పించాలని వైద్య నిపుణులు సూచిస్తున్నారు. వాసన శిక్షణ కూడా ప్రయోజనకరంగా ఉంటుంది.

 ఇందులో భాగంగా యూకలిప్టస్, నిమ్మకాయ, గులాబీ, దాల్చినచెక్క, చాక్లెట్, కాఫీ లేదా లావెండర్ రోజుకు రెండుసార్లు ప్రతిరోజు పిల్లలతో వాసన చూపించాలి. పిల్లలు చప్పగా ఉండే ఆహారాన్ని తినడానికి ప్రయత్నించాలి. ప్రస్తుతానికి ఘాటైన వాసనలు రాకుండా చూసుకోవాలి. కిటికీలు తెరవాలి లేదా ఆహారం తినే సమయంలో ఫ్యాన్ ని ఆన్ లో ఉంచాలి. మీరు మీ పిల్లలకు గది ఉష్ణోగ్రత వద్ద ఆహారాన్ని తినేలా చూడాలి. తద్వారా వారు వాసన చూడలేరు. వెనిలా లేదా ఫ్లేవర్ లేని ప్రోటీన్, విటమిన్ మిల్క్ షేక్ లు పిల్లలకు అవసరమైన పోషకాలను రుచి లేకుండా పొందడంలో సహాయపడతాయి. అయితే ఇది స్వీయపరిమితం చేసే తాత్కాలిక సమస్య కాబట్టి తీవ్రమైన చికిత్స అవసరం లేదని గ్రహించాలి. కోవిడ్-19 నుంచి కోలుకున్న తర్వాత,ఈ లక్షణం కొందరిలో కనిపించవచ్చు. అయితే ఇది స్వల్పంగా ఉంటుంది ఈ లక్షణాన్ని పిల్లల్లోనూ చూడవచ్చు. ఘ్రహకాల దెబ్బతినడం వల్ల అది వారు తినే ఆహారం పై ప్రభావం చూపుతుంది. దీంతో పిల్లలు ఒకప్పుడు చాక్లెట్ తో సహా చాలా ఇష్టపడే ఆహారాన్ని తినడం కష్టంగా అనిపించవచ్చు కొంతమంది పిల్లలు పూర్తిగా తినడం మానేస్తారు.

ఆహార పదార్థాలు చెత్త లేదా మురుగునీరు, అమ్మోనియం/సల్ఫర్, కుళ్ళిన గుడ్లు వంటి వాసన కలిగి ఉంటాయి. దీని గురించి ఇప్పటికీ శాస్త్రవేత్తలకు పూర్తిగా అర్థం కాలేదు,కానీ వాసన సరిగా లేని పిల్లల్లో 94.3శాతం మంది ఒక నెలలోనే కోలుకున్నారు. రెండు నెలల్లో దాదాపు వంద శాతం మంది దీని నుంచి బయటపడ్డారు. అయితే పెద్ద వారిలో కంటే చిన్నారుల్లో వాసన పనిచేయకపోవడం వేగంగా పునరుద్ధరిస్తుంది. ఇక మొత్తంగా చూసుకుంటే కేవలం 12.8 శాతం మందికి మాత్రమే వాసన, రుచి, అసాధారణతలు ఉన్నట్లు అధ్యయనాలు సూచిస్తున్నాయి.

మరింత సమాచారం తెలుసుకోండి:

Health

MOHAN BABU

24/01/2022 10:05 AM