వెల్లుల్లి అనేది మనకు ప్రకృతి ప్రసాదించిన బహుమతి.. ఎందుకంటే ఈ వెల్లుల్లి చాలా పోషకమైనది..ఇది వివిధ రకాల ఆరోగ్య ప్రయోజనాలతో ముడిపడి ఉంటుంది.ఇది మన రోగనిరోధక శక్తిని పెంచడంలో కూడా బాగా సహాయపడుతుంది. నిత్యం మనం తినే ఆహారంలో ఎక్కువ వెల్లుల్లిని చేర్చుకోవడం ద్వారా కాలానుగుణ ఆరోగ్య సమస్యలను ఈజీగా నివారించవచ్చు. వెల్లుల్లి శరీరంలో ట్రైగ్లిజరైడ్స్ స్థాయిలను తగ్గించడం, గుండె ఆరోగ్యాన్ని మెరుగుపరచడం ఇంకా డయాబెటిస్‌ను నిర్వహించడంలో పనిచేస్తుంది. ఇక వెల్లుల్లి పూర్తి ప్రయోజనాలేంటో మనం ఇప్పుడు తెలుసుకుందాం..ఇక ఎర్ర రక్త కణాలు జీర్ణమైన వెల్లుల్లి నుండి సమ్మేళనాలను ప్రాసెస్ చేస్తాయి. ఇంకా వాటిని సెల్ మెసెంజర్ హైడ్రోజన్ సల్ఫైడ్ (H2S) గా మారుస్తాయని ఒక కొత్త అధ్యయనం చూపిస్తుంది. ఇది రక్త నాళాలను సడలించి..రక్త ప్రసరణను బాగా మెరుగుపరుస్తుంది. తద్వారా గుండె జబ్బుల ప్రమాదాన్ని తగ్గించడంలో చాలా కీలక పాత్ర పోషిస్తుంది. దీనిలో బి6, సి విటమిన్లు, ఫైబర్, మాంగనీస్ ఇంకా కాల్షియం వంటి ముఖ్యమైన పోషకాలున్నాయి. అలాగే శరీరంలో అదనపు కొవ్వులను తగ్గించడంలో వెల్లుల్లి సహాయపడుతుంది.


యాంటీ బ్యాక్టీరియల్, యాంటీ ఫంగల్ ఇంకా క్రిమినాశక లక్షణాలు కూడా వెల్లుల్లిలో సమృద్ధదిగా ఉంటాయి. జలుబు, దగ్గు ఇంకా కఫం నయం చేయడానికి వెల్లుల్లి రెబ్బలు ఉపయోగపడతాయి. వెల్లుల్లిలోని అల్లిసిన్ అనే సమ్మేళనం గొంతులో ఉండే బ్యాక్టీరియాను ఈజీగా చంపుతుంది. వెల్లుల్లిని నేరుగా తిన్నా ఇంకా కొంచెం కాల్చి తిన్నా ఆరోగ్యానికి ఎంతో మేలు చేస్తుంది. చర్మం, జుట్టు ఇంకా గోర్లను ఆరోగ్యంగా ఉంచుతుంది. దీంతో పాటు రొమ్ము క్యాన్సర్ లాంటి వ్యాధులను కూడా నివారిస్తుంది.అధిక బరువు ఇంకా ఈస్ట్ సమస్యలను నియంత్రించడానికి వెల్లుల్లి బాగా సహాయ పడుతుంది. స్త్రీలకు నెలసరి నొప్పి బాధ కూడా తప్పుతుంది. అలాగే గర్భాశయం ఆరోగ్యంగా ఉంటుంది.ఇంకా శారీరక బలహీనతను దూరం చేస్తుంది. పొట్ట కూడా చాలా శుభ్రంగా ఉంటుంది. కొలెస్ట్రాల్ స్థాయిని కూడా నియంత్రిస్తుంది. ఉదయాన్నే ఖాళీ కడుపుతో వెల్లుల్లి తినడం వల్ల చాలా ఫిట్‌గా ఉంటారు.అలాగే శరీరాన్ని డిటాక్సిఫై చేస్తుంది. జీర్ణశక్తిని పెంచే దివ్యౌషధంగా ఈ బాగా వెల్లుల్లి పనిచేస్తుంది.

మరింత సమాచారం తెలుసుకోండి:

beauty

Purushottham Vinay

16/08/2022 02:28 PM