అత్తి పండ్ల వల్ల ఆరోగ్య ప్రయోజనాలు వున్నాయి.ఇవి ఆరోగ్యానికి చాలా మంచివి.ప్రతి రోజూ కూడా అంజీర్ పండ్లను తీసుకుంటే అనేక ఆరోగ్య సమస్యలు దూరం అవుతాయని నిపుణులు పేర్కొంటున్నారు.కాబట్టి ఖచ్చితంగా వీటిని తినండి. పచ్చి వాటితోపాటు.. ఎండిన అత్తి పండ్లను ఆరోగ్యానికి చాలా ఉపయోగకరంగా ఉంటాయి. బరువు తగ్గాలన్నా.. చిరాకును తొలగించాలన్నా.. ఇంకా ఎన్నో సమస్యలన్నింటినీ దూరం చేయడంలో అత్తిపండ్లు ప్రభావవంతంగా పనిచేస్తాయి. అంజీర్‌ను తీసుకోవడం వల్ల ఎలాంటి ప్రయోజనాలు కలుగుతాయో ఇప్పుడు తెలుసుకుందాం.అంజీర్‌లో ఎన్నో ఔషధ గుణాలు ఉంటాయి.వైద్య నిపుణులు తెలిపిన వివరాల ప్రకారం.. వ్యాధులను నయం చేసే శక్తి ఉన్న అంజీర్ పండ్లలో ఉన్నాయి. అత్తి పండ్లలో మెగ్నీషియం, కాల్షియం, ఐరన్, మెగ్నీషియం, ఫాస్పరస్, పొటాషియం, కాల్షియం వంటి ప్రయోజనకరమైన ఖనిజాలు ఉన్నాయి. అత్తిపండ్లు ఫైబర్, ప్రోటీన్, యాంటీ-ఆక్సిడెంట్లు, విటమిన్లకు మంచి మూలం.అత్తి పండ్లలో యాంటీ-ఆక్సిడెంట్లు పుష్కలంగా ఉంటాయి. ఇవి కొలెస్ట్రాల్‌ను అదుపులో ఉంచేందుకు ఉపయోగపడతాయి. 


అత్తి పండ్లలో ఉండే పొటాషియం రక్తపోటును నియంత్రిస్తుంది.అత్తి పండ్లలో కాల్షియం కూడా పుష్కలంగా ఉంది. కాల్షియం లోపించినా, ఎముకలు బలహీనంగా ఉన్నా.. రోజూ అంజీర్‌ను పాలతో కలిపి తీసుకోవాలి.అంజీర్ పండ్లలో ఐరన్ పుష్కలంగా ఉంటుంది. దీన్ని తినడం వల్ల శరీరంలో ఐరన్ లోపం తీరుతుంది. ఐరన్ పుష్కలంగా ఉండడం వల్ల రక్తహీనత వంటి వ్యాధులు వచ్చే ప్రమాదం తగ్గుతుంది.ఇందులోని పొటాషియం, మెగ్నీషియం వంటి మినరల్స్ గుండె జబ్బుల ప్రమాదాన్ని తగ్గించి గుండెను దృఢంగా మారుస్తాయి.ఒమేగా -3, కొవ్వు ఆమ్లాలు కూడా ఇందులో ఉంటాయి. ఇది కరోనరీ వ్యాధి ప్రమాదాన్ని తగ్గిస్తుంది.అంజీర్ అనేది ఆల్కలీన్ ఫ్రూట్. ఇది శరీరంలోని యాసిడ్‌ను నియంత్రిస్తుంది.అంజీర్ పండ్లను తినడం వల్ల గ్యాస్, ఎసిడిటీ, అజీర్ణం వంటి జీర్ణ సమస్యలు దరిచేరవు.కాబట్టి ప్రతి రోజూ కూడా అత్తి పండ్లని తినండి. ఎల్లప్పుడూ కూడా సంపూర్ణ ఆరోగ్యంగా ఉండండి.

మరింత సమాచారం తెలుసుకోండి:

anjeer

Purushottham Vinay

09/09/2022 03:29 PM