ఈ రోజుల్లో చాలా మందిని ఇబ్బంది పెడుతున్న సమస్య ఒత్తిడి.పెరిగిన హృదయ స్పందన రేటు, ఛాతీలో భారంగా ఉన్న భావన కలుగుతుంది.తలనొప్పి ఎక్కువగా వస్తుంది.ముఖ్యంగా కళ్ల పక్కన ఎక్కువ నొప్పిగా ఉంటుంది.జీర్ణ సమస్యలు, మలబద్ధకం లేదా అతిసారం కలిగి ఉండటం ముఖ్య లక్షణాలు.ఇంకా బరువు తగ్గడం, ఆకలి లేకపోవడం లేదా ఆకలి పెరగడం జరుగుతుంది.మీకు ఖచ్చితంగా అలసిపోయినట్లు అనిపిస్తుంది.అసలు ఎవరినీ కలవాలని అనిపించదు.ఇంకా అలాగే నిద్రలేమితో అవస్థలు పడతారు. లేదా అవసరమైన దానికంటే ఎక్కువసేపు నిద్రపోతారు.చిన్న విషయాలకు ఏడుస్తారు.. లేదా మరింత భావోద్వేగానికి గురవుతారు. విషయాలను మరచిపోతారు.ఎక్కడా దృష్టి పెట్టలేము. ఒక పనిని పూర్తి చేయడానికి అవసరమైన దానికంటే ఎక్కువ సమయం తీసుకోవడం లేదా ఏదైనా నిర్ణయం తీసుకోవడంలో సమస్య ఉండటం, ఒత్తిడిని తగ్గించుకోవడానికి ఆల్కహాల్ లేదా డ్రగ్స్ తీసుకోవడం మొదలుపెడతారు.ఇలా మీకు ఈ లక్షణాలు అనేవి కలుగుతాయి.దీర్ఘకాలిక ఒత్తిడి ఆందోళన, నిరాశ, తీవ్ర భయాందోళనలకు దారి తీస్తుంది.


చాలా కాలంగా ఏదైనా మిమ్మల్ని ఇబ్బంది పెడుతూ ఉంటే, దాన్ని మీ ప్రత్యేక వ్యక్తితో పంచుకోండి. ఏదైనా మీకు ఆందోళన కలిగిస్తే, శరీరాన్ని సక్రియం చేయండి. ప్రణాయామం, వ్యాయామం చేయండి. మీ విజయాలు, మీ జీవితంలోని ఉత్తమ సమయాలను గుర్తుంచుకోండి. మిమ్మల్ని మీరు నియంత్రించుకోలేకపోతే, థెరపిస్ట్ సహాయం తీసుకోండి.మానసికంగా కలవరపడటం లేదా ఒత్తిడికి లోనవుతున్నట్లయితే, మీరు తీవ్రమైన అనారోగ్యానికి గురయ్యే ప్రమాదం ఉంది. ఆరోగ్యంగా ఉండటానికి ఒత్తిడి లేకుండా ఉండటం చాలా ముఖ్యం. ఒత్తిడి అనేది శరీరం సాధారణ ప్రతిచర్య. కానీ, అది పరిమితికి మించి ఉంటే, అది మీకు ప్రమాదంగా మారుతుంది. కాబట్టి మీరు ఒత్తిడిని తగ్గించుకోలేకపోతే ఖచ్చితంగా డాక్టర్ ని కలవండి.శరీరంలో ఏదైనా జబ్బు ఉంటే దాని లక్షణాల ద్వారానే ఆ వ్యాధికి సంబంధించి తెలుస్తుంది. తద్వారానే ప్రజలు కూడా చికిత్స పొందుతారు… కానీ అవగాహన లేకపోవడం అపార్థాల కారణంగా మానసిక ఆరోగ్యం నిర్లక్ష్యం చేయబడుతోంది.కాబట్టి జాగ్రత్తగా ఉండండి.