ఈ మధ్య కాలంలో చాలా మంది వైద్యులు రోగులకు గోరువెచ్చని నీళ్లు తాగాలని సూచిస్తున్నారు. పరిశోధకులు చేసిన పరిశోధనల్లో గోరువెచ్చని నీళ్లు తీసుకోవటం వలన జీర్ణక్రియ మెరుగుపడుతుందని తేలింది. రోజూ ఉదయం పూట గోరువెచ్చని నీళ్లు తాగడం ద్వారా మలబద్ధకం సమస్యకు చెక్ పెట్టవచ్చు. గోరువెచ్చని నీళ్లు తాగడం వలన అద్భుతమైన ఆరోగ్య ప్రయోజనాలు కలుగుతాయి.
ఆయాసం జలుబు, దగ్గు, ఎక్కిళ్లు, కడుపు ఉబ్బరం సమస్యలు గోరువెచ్చని నీళ్లు తాగితే తొలగిపోతాయి. డయాబెటిస్ వ్యాధితో బాధపడేవారు గోరువెచ్చని నీళ్లు తాగితే షుగర్ లెవెల్స్ అదుపులో ఉంటాయి. గోరువెచ్చని నీళ్లు తాగేవారిలో క్లోమగ్రంథి పనితీరు మెరుగుపడటంతో పాటు జీర్ణవ్యవస్థ పనితీరు కూడా చక్కగా ఉంటుంది. రోజూ గోరువెచ్చని నీళ్లు తాగేవారు బరువు తగ్గుతారని నిపుణులు చెబుతున్నారు.
అల్పాహారం ముందు గోరువెచ్చని నీళ్లు తాగడం వలన కడుపునొప్పి ఉంటే తగ్గిపోతుంది. ఉదయాన్నే గోరువెచ్చని నీళ్లు తీసుకోవడం వలన శరీర ఉష్ణోగ్రత పెరుగుతుంది. శరీర ఉష్ణోగ్రత పెరిగితే ఎక్కువ క్యాలరీలు సులభంగా కరుగుతాయి. పరగడుపున గోరువెచ్చని నీళ్లు తాగడం వలన శరీరంలోని చెడు పదార్థాలు, మలినాలు తొలగిపోతాయి. నరాలు, కండరాలు చురుకుగా పనిచేసేందుకు గోరువెచ్చని నీళ్లు ఉపయోగపడతాయి.
గోరువెచ్చని నీళ్లు తాగేవారికి గొంతు సమస్యలు దరి చేరవు. గోరువెచ్చని నీళ్లు తాగేవారిలో కీళ్ల నొప్పుల సమస్యలు కూడా తగ్గుతాయి. వేసవికాలంలో డీహైడ్రేషన్ సమస్యను తీర్చేందుకు వేడినీళ్లు ఉపయోగపడతాయి.
'
