రోజూ బొప్పాయి పండ్లు తినడం వల్ల శరీరానికి అనేక ఆరోగ్య ప్రయోజనాలు చేకూరాయి. బొప్పాయి రుచికరంగా ఉండటంతో పాటు అనేక రోగాలను తగ్గించడంలో సహాయపడుతుంది. వైద్యులు బొప్పాయి పండ్లు తినడం ద్వారా లభించే విటమిన్లు మరే పండు ద్వారా లభించవని చెబుతున్నారు. బొప్పాయి రోగ నిరోధక శక్తిని పెంచడంతో పాటు జుట్టుకు పోషణ అందిస్తుంది.
మెగ్నీషియం, మాంగనీస్, కాల్షియం, ఐరన్, పొటాషియం, కాపర్, పాస్ఫరస్, బొప్పాయిలో పుష్కలంగా ఉంటాయి. బొప్పాయి మల్లబద్ధకం సమస్యను తగ్గించడంతో పాటు జీర్ణవ్యవస్థ పనితీరును మెరుగుపరుస్తుంది. ఈ పండు రోజూ తింటే ఆర్థరైటిస్, ఎడెమా లాంటి సమస్యలు దూరమవుతాయి. బొప్పాయిలో శరీరానికి ఎంతో అవసరమైన ఏ, ఈ, సీ విటమిన్లు పుష్కలంగా ఉంటాయి. రోజూ ఈ పండ్లు తింటే కంటి సమస్యలు తగ్గుముఖం పడతాయి.
ఇందులో ఉండే విటమిన్లు జలుబు, ఫ్లూ లాంటి లక్షణాలను తగ్గిస్తాయి. హృదయ సంబంధిత వ్యాధులను తగ్గించడంలో ఈ పండు సహాయపడుతుంది. బొప్పాయిలో లభించే ఎసెన్షియల్ ఆయిల్స్ వల్ల చర్మం తేమను కోల్పోదు. ఈ పండు ఉదర సంబంధిత జబ్బులను తగ్గించడంలో సహాయపడుతుంది. బొప్పాయిలోని తెల్లని గుజ్జును ముఖానికి రాస్తే మొటిమలు తగ్గుతాయి. గర్భిణీ స్త్రీలు మాత్రం బొప్పాయి పండును తినకూడదు.
