తేనె అనగానే సాధారణంగా బెల్లం రంగులో ఉండే ద్రవపదార్థమే అని అందరూ అనుకుంటారు. కానీ, తేనెల్లో కూడా పలు రకాల రంగులున్నాయన్న సంగతి చాలా మందికి తెలిసి ఉండదు. అయితే, హనీ హ్యూమన్ బాడీకి ఎంతో మంచిది అని నిపుణులు సూచిస్తున్నారు. కాగా, వైట్ హనీ అనగా తెల్ల తేనే వల్ల కూడా మానవ శరీరానికి ఎంతో మేలు జరుగుతుందని నిపుణులు చెప్తున్నారు. ఈ తెల్ల తేనె వల్ల కలిగే ప్రయోజనాలేంటో ఈ స్టోరీ చదివి మీరూ తెలుసుకోండి.


ముడి తేనె అని కూడా వైట్ హనీని పిలుస్తారు.  ప్రతీ రోజు ఒక టీస్పూన్ వైట్ తేనె తీసుకోవడం వల్ల శరీరానికి అనేక ప్రయోజనాలు ఉంటాయి.వైట్ హనీలోని మెగ్నీషియం, కాల్షియం, భాస్వరం, పొటాషియం వంటి మినరల్స్‌తో పాటు విటమిన్ ఏ, బీ ఉంటాయి. వైట్ హనీని యాంటీ ఆక్సిడెంట్ల పవర్ హౌస్ అని పేర్కొంటారు. ఫ్లేవనాయిడ్స్, ఫినోలిక్ అని పిలువబడే సమ్మేళనాలు కూడా ఇందులో సమృద్ధిగా ఉంటాయి. వీటి వల్ల హ్యూమన్ బాడీలో వృద్ధాప్య ఛాయలు రావు. కేన్సర్ వంటి ప్రాణాంతక వ్యాధులతో పాటు గుండె జబ్బుల నుంచి వైట్ హనీ సంరక్షిస్తుంది. అల్సర్ సమస్యకూ వైట్ హనీ చాలా మంచిది. జీర్ణవ్యవస్థను సరిచేయడంలోనూ కీలకంగా పనిచేస్తుంది.

ప్రతీ రోజు పరగడపున లేదా ఖాళీ కడుపున చెంచడు తెల్ల తేనే తీసుకుంటే చాలా మంచిది. మౌత్‌లో పుండ్లు ఉంటే ఈ ముడి తేనెను తీసుకుని వాటిపై అప్లై చేస్తే చక్కటి ఫలితం కనిపిస్తుంది. ప్రతీ రోజు ఒక్క స్పూన్ గోరువెచ్చని నీటితో కలిపి ఈ తేనెను సేవిస్తే శరీరంలో హిమోగ్లోబిన్ అత్యంత వేగంగా పెరుగుతుంది. మహిళలు రక్తహీనత సమస్యలకు ఇది చక్కటి పరిష్కారం. ముడి తేనెలో ఫైటోన్యూట్రియెంట్స్ ఉంటాయి. కాబట్టి ఇది గాయాలను త్వరగా నయం చేయడానికి సాయపడుతుంది. అలాగే చర్మాన్ని హైడ్రేట్‌గా ఉంచడంతో పాటు అందంగా ఉంచడంలోనూ ఇది సహాయకారి. ఇక నేటి బిగుతు దుస్తులను ధరించే కాలంలో ప్రతీ ఒక్కరు ఎప్పుడో ఒకసారి ఫంగల్ ఇన్ఫెక్షన్స్‌తో బాధపడుతుండటం సహజం. కాగా, ఫంగస్‌ను తొలగించే లక్షణాలు ఈ వైట్ హనీలో ఉంటాయి.

మరింత సమాచారం తెలుసుకోండి:

white-honey

Suma Kallamadi

31/07/2021 11:00 AM