ఇప్పటికే భారత్ బయో టెక్ పలుమార్లు ఆరోగ్య సంస్థకు తమ సమాచారాన్ని ఇవ్వడం జరిగింది. అయినప్పటికీ మరింత సమాచారం కావాలని ఆరోగ్య సంస్థ పేర్కొంది. ఇప్పటికే ఇచ్చిన సమాచారాన్ని ఆరోగ్య సంస్థ నిపుణులు పరీక్షలు చేస్తున్నారు. వారు మరింత సమాచారం కావాలని అడిగినందున తాము భారత్ బయోటిక్ సంస్థను అదనపు సమాచారం అడగటం జరుగుతుందని ప్రపంచ ఆరోగ్య సంస్థ పేర్కొంది. ఈ మేరకు ఆరోగ్య సంస్థ ప్రధాన శాస్త్రవేత్త కోరగా, డబ్ల్యూ.హెచ్.ఓ. కూడా దానిని సమర్థిస్తూ అదనపు సమాచారాన్ని కోరింది. మరోసారి పరీక్ష అనంతరం ఈ టీకా పై అనుమతి ఇచ్చేది లేనిది తేల్చడం కోసం ప్రతినిధులు ఈ నెల 26న సమావేశం అవనున్నారు.
అయితే ఇలా డబ్ల్యూ.హెచ్.ఓ. అదనపు సమాచారం అంటూ కాలక్షేపం చేయడం సరికాదని, త్వరితగతిన అనుమతి ఇస్తే అది కావాల్సిన వారికి అందుబాటులోకి తేవాలి అన్న భారత్ ఆకాంక్ష నెరవేరుతుందని భారత్ బయోటిక్ సంస్థ అభిప్రాయపడుతోంది. ఇప్పటికే పలు దేశాలలో కరోనా మరోసారి విజృంభిస్తున్నందున అత్యవసర వినియోగానికి అనుమతి వస్తే వారికి ఎంతగానో ఉపయోగకరంగా ఉంటుందని భారత్ ప్రపంచ ఆరోగ్య సంస్థ ను కోరింది.
