శనగలు పోషకాలకు మంచి మూలం. నల్ల శనగల్లో ఇనుము పుష్కలంగా లభిస్తుంది. అవి మన ఆరోగ్యానికి అనేక విధాలుగా ఉపయోగపడతాయి. సాధారణంగా వంటల్లోనే కాకుండా నానబెట్టిన శనగ పప్పును కూడా తినవచ్చు. నానబెట్టిన శనగపప్పును ఉదయం పూట పరగడుపునే తీసుకోవచ్చు. శనగపప్పును రాత్రంతా నానబెట్టి ఉదయాన్నే తినాలి. వీటిని ప్రతిరోజూ ఉదయం తీసుకోవడం వల్ల అనేక ఆరోగ్య ప్రయోజనాలు కలుగుతాయి. నానబెట్టిన నల్ల శనగ తినడం వల్ల కలిగే ప్రయోజనాలు ఏంటో తెలుసుకుందాం.

ప్రోటీన్, ఇనుము పుష్కలంగా ...
శాకాహారులు సాధారణంగా ప్రోటీన్ గురించి ఆందోళన చెందుతారు. అటువంటి పరిస్థితిలో నానబెట్టిన నల్ల శనగలు తినవచ్చు. వీటిలో ప్రొటీన్లు పుష్కలంగా ఉంటాయి. అలాగే రక్తహీనతతో బాధపడుతున్న వారు ఆహారంలో నల్ల శనగను తప్పనిసరిగా చేర్చుకోవాలి. ఇందులో ఐరన్ పుష్కలంగా ఉంటుంది. శరీరంలో హిమోగ్లోబిన్ స్థాయిని మెరుగుపరచడంలో సహాయ పడుతుంది.

జీర్ణక్రియను మెరుగుపరుస్తుంది
నానబెట్టిన నల్ల శనగలో ఫైబర్ పుష్కలంగా ఉంటుంది. ఇది జీర్ణవ్యవస్థను మెరుగుపరచడంలో సహాయపడుతుంది. శరీరం నుండి అన్ని హానికరమైన టాక్సిన్స్ ను తొలగిస్తుంది. మీ జీర్ణవ్యవస్థను ఆరోగ్యంగా ఉంచుతుంది. పచ్చిమిర్చిని క్రమం తప్పకుండా తినడం వల్ల మలబద్ధకం, అజీర్ణం వంటి జీర్ణ సమస్యలు దూరంగా ఉంటాయి.

గుండెను ఆరోగ్యంగా ఉంచుతుంది
నానబెట్టిన నల్ల శనగలో యాంటీ ఆక్సిడెంట్లు మరియు ఫైటోన్యూట్రియెంట్లు పుష్కలంగా ఉంటాయి. అవి రక్తనాళాలను ఆరోగ్యంగా ఉంచుతాయి. రక్తం గడ్డకట్టకుండా నిరోధించే అవసరమైన ఖనిజాలలు కూడా ఇందులో ఉంటాయి.

బరువు తగ్గడంలో
యాంటీ ఆక్సిడెంట్లు పుష్కలంగా ఉండే శనగల్లో ఫైబర్ ఉంటుంది. ఇది చాలా సమయం పాటు కడుపు నిండుగా ఉంచుతుంది. అనారోగ్యకరమైన స్నాక్స్ తినకుండా నిరోధిస్తుంది.

కొలెస్ట్రాల్ స్థాయిని నిర్వహిస్తుంది
శనగల్లో కరిగే ఫైబర్ ఉంటుంది. ఇది శరీరంలోని కొలెస్ట్రాల్ స్థాయిని తగ్గిస్తుంది. శనగల్లో ఉండే డైటరీ ఫైబర్ ఆరోగ్యానికి చాలా మంచిది.

జుట్టుకు ప్రయోజనం
శనగలు శరీరానికి అవసరమైన విటమిన్లు, ఖనిజాలకు మంచి మూలం. ఇది జుట్టుకు చాలా ఉపయోగకరంగా ఉంటుంది. అలాగే ఇందులో ప్రోటీన్ పుష్కలంగా ఉంటుంది. ఇది జుట్టు కుదుళ్లను బలంగా ఉంచుతుంది, జుట్టు రాలడాన్ని నివారిస్తుంది. నానబెట్టిన నల్ల శనగను క్రమం తప్పకుండా తీసుకోవడం వల్ల తెల్లబడకుండా నివారించడంలో సహాయపడుతుంది.

మరింత సమాచారం తెలుసుకోండి:

soaked chickpeas

Vimalatha

06/12/2021 06:00 PM