సాధారణంగా కాకరకాయ ప్రతి ఒక్కరికి తెలిసిందే. దీన్ని ఇష్టపడేవారి సంఖ్య తక్కువ.. ఇష్టపడనివారి సంఖ్య ఎక్కువని చెప్పాలి. ఎందుకుంటే ఇది చేదుగా ఉంటుంది కాబట్టి. అయితే చేదుగా ఉన్నా...ఇందులో అద్భుతమైన ఆరోగ్య ప్రయోజనాలు ఉంటాయి. అందుకే వైద్యులు కూడా ఆరోగ్యానికి మేలుచేసే కాకరకాయలను రెండు వారాలకు ఒక్కసారైనా తప్పనిసరిగా తీసుకోవాలని సూచిస్తున్నారు.
కాకరకాయలో ఏ,బీ,సీ వంటి విటమిన్లు, బీటా-కేరొటీన్ వంటి ఫ్లవోనాయిడ్స్, లుటీన్, ఐరన్, జింక్, పొటాషియం, మాంగనీసు, మెగ్నీషియం వంటి విటమిన్లు అధికంగా ఉంటాయి. కాకరతో జలుపు, దగ్గు, ఆస్తమా వంటి శ్వాస సంబంధిత సమస్యలకు నివారణ లభిస్తుంది. వ్యాధి నిరోధక శక్తి పెంచుకునేందుకు ఉపయోగపడుతుంది. రోజూ ఒక గ్లాసు కాకరకాయ జ్యూస్ తాగితే లివర్ సమస్యలు నయమవుతాయి.
కాకరకాయ టైప్-2 డయాబెటీస్ను అధిగమించడానికి అత్యంత సాధారణ నివారణ మార్గంగా చెప్పవచ్చు. కాకరకాయ బ్లడ్ షుగర్ తగ్గించడానికి సహాయపడే ఇన్సులిన్ వంటి కొన్ని రసాయనాలను కలిగి ఉంటుంది. చర్మ సంబంధిత సమస్యలకు కాకర చక్కగా పనిచేస్తుంది. అలాగే ముఖ్యంగా కాకరకాయ మన ఆహరంలో చేర్చుకోవడం వల్ల కాన్సర్ కణాలు పెరగకుండా నిరోధిస్తుంది.