పిల్లల లంచ్ బాక్స్లో కేలరీలు, ప్రొటీన్లతో కూడిన భోజనం ఉండాలి. లంచ్లో ఆకుకూరలను ఎక్కువగా చేర్చడం చాలా మంచిది. ఎందుకంటే లంచ్లో ఆకుకూరలు ఉండడం వల్ల అనేక విటమిన్లు, ఐరన్ పొందవచ్చు.అలాగే పిల్లల పెరుగుదలకు క్యాల్షియం చాలా అవసరం. అందుకే రోజులో మూడు సార్లు పిల్లలకు పాలు తగిన మోతాదులో ఇస్తుండాలి.రోజువారీ ఆహారంలో కూరగాయలు, పప్పు ధాన్యాలు, గుడ్డు, పండ్లు ఉండేలా చూడాలి. వీటికితోడు అదనంగా ఓ గుడ్డును కూడా అందించాలి పిల్లలకు ఆహార పదార్థాల పట్ల అవగాహన ఇంటి నుంచే మొదలవ్వాలి.
బయట కొనుగోలు చేసే చిప్స్, సోడా, జూస్ వంటి వాటిని నియంత్రించి ఇంట్లోనే స్వయంగా స్నాక్స్, పండ్ల రసాలు తయారుచేసి పిల్లలకు ఇవ్వాలి. రోజూ ఇంటినుంచే నాణ్యమైన భోజనాన్ని పంపించడం ద్వారా పిల్లలు ఆరోగ్యంగా, ఆనందంగా ఉంటారు. పిజ్జా, బర్గర్ వంటివాటికి దూరంగా ఉంచగలిగితే మేలు. అలాగే పిల్లలకు పంచదార అతిగా వాడకూడదు. దీంతో వారికి చిన్న వయస్సులోనే ఊబకాయం రాకుండా ఉంటుంది.ఒక వేళ పిల్లలు తీపి పదార్థాలు తినాలనుకుంటేే పంచదారకు బదులు బెల్లం పదార్థాలు పెడుతూ ఉండండి. ఆరోగ్యానికి చాలా మంచిది.