రామలక్ష్మణులు వంతెన
రిషికేష్ లో రామ లక్ష్మణుల వంతెన గొప్ప ఆకర్షణ. ఇన్‌స్టాగ్రామ్ లో అందమైన ఫోటోలను షేర్ చేయడానికి ఇది గొప్ప ప్రదేశం. ఈ సస్పెన్షన్ వంతెన రిషికేష్ నగరానికి ఈశాన్యంగా 5 కి.మీ దూరంలో ఉంది. అదే సమయంలో లక్ష్మణ వంతెన నుండి 2 కిలోమీటర్ల దిగువన రామలక్ష్మణ్ అనే పెద్ద వంతెన ఉంది.
నీలకంఠ మహాదేవుని ఆలయం
శివుడి ప్రసిద్ధ దేవాలయాలలో నీలకంఠ మహాదేవుడి ఆలయం ఒకటి. నీలకంఠం మహాదేవుడి దేవాలయం రిషికేశ్‌లో ఒక ప్రధాన పర్యాటక ప్రదేశం. హిందూ పురాణాల ప్రకారం ఈ ప్రదేశంలోనే శివుడు సముద్రాన్ని మదించడం నుండి వెలువడే విషాన్ని సేవించాడు.
కౌడియాల
కౌడియాలా రిషికేశ్‌లోని ప్రసిద్ధ పర్యాటక ప్రదేశం. గంగా నదిపై ఉన్న ఈ ప్రాంతం చుట్టూ దట్టమైన పర్వత అడవులు ఉన్నాయి. ఈ ప్రదేశం అనేక అడవి జాతుల వృక్ష, జంతు జాలాలకు ఆవాసంగా కూడా ఉంది. ఈ పర్యటనలో సాహస కార్యకలాపాలను ఇష్టపడితే వైట్‌ వాటర్ రాఫ్టింగ్‌ను ఆస్వాదించవచ్చు.
శివపురి గురించి...
రిషికేష్ నుండి 19 కిలోమీటర్ల దూరంలో ఉన్న శివపురి నగరం గంగా నది ఒడ్డున ఉంది. ఈ ఊరికి శివుడి దేవాలయం పేరు పెట్టారు. ఇటీవలి సంవత్సరాలలో ఈ ప్రదేశం నీటి సాహస క్రీడలకు ముఖ్యంగా వైట్‌ వాటర్ రాఫ్టింగ్‌కు ప్రసిద్ధి చెందింది.
రాజాజీ నేషనల్ పార్క్
రాజాజీ నేషనల్ పార్క్ డెహ్రాడూన్ నుండి 23 కి.మీ దూరంలో ఉంది. రాజాజీ నేషనల్ పార్క్‌లో జింక, చిరుత, నెమలిలు కూడా కనిపిస్తాయి. దాదాపు 315 రకాల పక్షులు ఇక్కడ కనిపిస్తాయి. వన్యప్రాణి ఔత్సాహికులందరూ ఇక్కడి పర్యటనను ఇష్టపడతారు.
పరమార్ధ నికేతన్
పరమార్థ నికేతన్ రిషికేష్‌లో ఉన్న ఒక ఆశ్రమం. వెయ్యికి పైగా గదులతో రిషికేష్‌లో ఇదే అతి పెద్ద ఆశ్రమం. ప్రపంచం నలుమూలల నుండి వచ్చే వేలాది మంది యాత్రికులకు పరమార్థ నికేతన్ పరిశుభ్రమైన, స్వచ్ఛమైన, పవిత్రమైన వాతావరణాన్ని అందిస్తుంది.
