13వ శతాబ్దంలో ఫ్రాన్సిస్కాన్ సన్యాసులు ఇక్కడకు వచ్చారు. రవాణా చేయడానికి కాలువలు తవ్వారు. ఈ గ్రామం 1958 సంవత్సరంలో డచ్ చిత్రనిర్మాత బెర్ట్ హెన్‌స్ట్రా రూపొందించిన ఫ్యాన్‌ ఫేర్ చిత్రంలో ప్రదర్శించబడిన తర్వాత ప్రపంచ వ్యాప్త గుర్తింపు పొందింది. అన్నింటి కంటే ముఖ్యమైన విషయం ఏమిటంటే ఈ గ్రామంలో రోడ్లు లేకపోవడంతో, ప్రజలు వాహనాలు మొదలైనవి ఉపయోగించలేరు, దీని వల్ల ఇక్కడ కాలుష్యం లేదు. ఇక్కడ చాలా ప్రశాంతత ఉంది.
గిథోర్న్ ఆమ్‌స్టర్‌ డామ్‌కు ఈశాన్యంగా 55 మైళ్ల దూరంలో ఉంది. ఇక్కడ దాదాపు 180 వంతెనలు ఉన్నాయి. ప్రజలంతా ఇక్కడికి వంతెన గుండా మాత్రమే వస్తారు. ఇక్కడి దృశ్యం ఒక కలలా అనిపిస్తుంది. ఇక్కడ అనేక మ్యూజియంలు, చర్చిలు ఉన్నాయి. ఇక్కడ ఈ గ్రామాన్ని, దాని సంస్కృతిని దగ్గరగా చూడవచ్చు. విశాలమైన నేషనల్ పార్క్ చుట్టూ ఉన్న గిథోర్న్, శీతాకాలంలో కూడా పర్యాటకులతో రద్దీగా ఉంటుంది. ఎందుకంటే శీతాకాలం, వేసవి సీజన్లలో మీరు ఇక్కడ ఎలాంటి ఇబ్బందులను ఎదుర్కోవాల్సిన అవసరం లేదు.
