అలాగే అప్పట్లో భర్తను 'ఏమండీ' వంటి పిలుపులతో మర్యాద పూర్వకంగా సంబోధించే వారు, భర్తను భార్య పేరు పెట్టి పిలవడం అంటే మహా పాపంగా, అతనికి ఆయుష్ క్షీణం అని భావించే వారు... అలాంటిది ఇపుడు చాలా మంది భర్త ను పేరు పెట్టి పిలవడం ట్రెండ్ అయిపోయింది. ఇక ప్రేమించి పెళ్లి చేసుకున్న వారు, ఒకే దగ్గర కలిసి పెరిగిన వంటి వారయితే ఏకంగా అరేయ్, ఒరేయ్ అంటూ పిలిచేస్తున్నారు. అయితే భర్తను నిజంగా పేరు పెట్టి పిలవ కూడదా, అల చేస్తే భర్తకు ఆయుష్ తగ్గుతుందా అంటే..!! భర్త.. భార్య కన్న పెద్దవాడు, అయితే మన హిందూ సాంప్రదాయం ప్రకారం పెద్దవారిని చిన్నవాళ్ళు పేరు పెట్టి పిలవకూడదు.
అలా పిలవడం వలన వారికి ఆయుష్ తగ్గుతుందని అంటుంటారు. అందుకనే పేరు పెట్టి పిలవరు. అలాగే పెద్దవారిని గౌరవించడం అనేది మన సంప్రదాయం కూడా. అలాగే భార్య భర్త కంటే చిన్నది కాబట్టి భర్తను పేరు పెట్టి పిలవకూడదు. ఏకాంత సమయంలో ఎలా పిలుచుకున్న నలుగురిలో మాత్రం పేరు పెట్టి పిలవడం, అరేయ్, ఒరేయ్ అనడం వంటివి చేయరాదు. ముఖ్యంగా అత్తింటి వారి ముందు. ఇంకొక విధంగా చెప్పాలి అంటే...రేపు మీ అబ్బాయికి పెళ్లయ్యాక మీ కోడలు మీ కొడుకుని పేరు పెట్టి పిలిస్తే ఎంత బాధగా, అసౌకర్యంగా ఉంటుంది అన్నది కూడా ఆలోచిస్తే అలా పిలవరు. ఇక మన హిందూ సాంప్రదాయంలో ఇంటి యజమాని అయిన భర్తకు భార్య అన్ని రకాల గౌరవ మర్యాదలను అందించాలి.
