ప్రతి రోజూ ఉదయాన్నే ఖాళీ కడుపుతో నీళ్లు తాగడం వల్ల పెద్ద పేగు శుభ్రం అవుతుంది. అలాగే పోషకాలను త్వరగా గ్రహించడానికి దోహదపడుతుంది. ఇక కొత్త రక్తం తయారవడానికి.. కండర కణాలు వృద్ధి చెందడానికి.. రక్త కణాలను శుద్ధి చేయడానికి ఉదయం తాగే నీళ్లు చాలా సహాయపడతాయి . ముఖ్యంగా శరీరంలో మెటబాలిజం పెరుగుతుంది. ఇక అధిక బరువును తగ్గించుకోవడంతో పాటు శరీరంలోని మలినాలు కూడా కాలకృత్యాల రూపంలో బయటకు వెళ్లిపోతాయి. ఇక ఉదయాన్నే చాలామంది చాలా బద్దకంగా కనిపిస్తూ ఉంటారు. అలాంటి వారు ఖాళీ కడుపుతో నీళ్లు తాగితే రోజంతా హుషారుగా ఉంటారు అని చెబుతున్నారు.
గోరువెచ్చని నీటిని తాగడం వల్ల మరిన్ని ప్రయోజనాలు కలుగుతాయి. పరగడుపునే మధుమేహం ఉన్న వారు నీటిలో కొంచెం నిమ్మరసం వేసుకొని తాగడం వల్ల రక్తంలోని చక్కెర స్థాయిని కూడా నియంత్రించవచ్చు. శ్వాస సంబంధిత సమస్యలు కూడా దూరం అవుతాయి. చర్మ రంగు మెరుగుపడడమే కాకుండా పేగు ఇన్ఫెక్షన్ దూరమవుతుంది. గ్యాస్ ట్రబుల్ , ఉబకాయం, ఉదర సంబంధిత సమస్యలు, రక్తపోటు, కీళ్లనొప్పులు వంటి సమస్యలను కూడా దూరం చేసుకోవచ్చు.
