భవిష్యత్తు తెలియచేసేదే కల అని మరి కొందరు పండితులు చెబుతుంటారు. కలల రకాన్ని బట్టి ఒక్కో అర్దం ఉందని చెబుతుంటారు. అయితే మరణించిన వ్యక్తులు కనుక మన కలలోకి వచ్చినట్లయితే, అది మనం వారి గురించి ఎక్కువగా ఆలోచించడం వలన అయి ఉండొచ్చు, అలాగే మరి కొన్నిసార్లు వారు కలలోకి రావడం అనేది కొన్ని సూచనలను అందించడానికి కూడా కావొచ్చట. స్వప్న శాస్త్రం ప్రకారం మరణించిన మన కుటుంబ సభ్యులు లేదా పెద్దలు కలలో ఏడుస్తున్నట్లు కనిపిస్తే వారు ఏదో బాధలో ఉన్నారని సూచన...వారి ఆత్మ శాంతి కోసం, వారికి శ్రాద్ధ కర్మలు, లేదా ఏమైనా శాంతి పూజలు చేయాలని సందేశం అట.
అంతేకాదు ఇలాంటి కలలు రావడం అనేది, మీకు ఏదైనా చెడు జరగవచ్చని కూడా వారు సూచిస్తున్నట్లు అర్థం అట.
ఒకవేళ కలలో కనుక మీరు వారితో సంభాషిస్తున్నట్లు కనిపిస్తే దానికి అర్ధం మీ జీవితంలో ఆనందం రాబోతుందని సంతోషం పెరగనుంది అని ఒక సూచన అట. చనిపోయిన మీ పూర్వీకులు కలలో సంతోషంగా కనిపిస్తే, మీకు దీర్ఘాయువు చేకూరుతుంది అని అర్థం. ఏదేమైనా కలలో మన పూర్వీకులు కనుక కనిపిస్తే వారిని తలచుకుంటూ వారి ఆత్మ శాంతి కోసం కొన్ని శాస్త్ర బద్దమైన పూజలు చేయడం మంచిది అని చెబుతున్నారు.
