మనలో చాలామంది విజయం సాధించటం చాలా కష్టం అనే భావనలో ఉంటారు. మనం చేపట్టిన పనిలో విజయం సాధించాలని అనుకున్నప్పుడు ఆ అంశంపై తప్పనిసరిగా లోతుగా పరిశోధన జరిపి పూర్తిస్థాయిలో సన్నద్ధం అయితే మాత్రమే గెలుపు సొంతం అవుతుంది. ఏ పనినైనా ప్రారంభించిన తరువాత అందులో సమస్యలు, ఆటంకాలు ఖచ్చితంగా ఎదురవుతాయి. ఆటంకాలు ఎదురైనా వెనుకడుగు వేయకుండా ముందడుగు వేస్తేనే విజయం సొంతమవుతుంది.
విజయం సాధించాలనుకునే వ్యక్తి ఖచ్చితంగా సమయం యొక్క విలువను తెలుసుకోవాలి. సమయం విలువ తెలిస్తే మాత్రమే గెలుపు సొంతమవుతుంది. అనవసర విషయాలతో కాలయాపన చేస్తే సమయం వృథా అవుతుంది. విజయం సాధించటానికి ప్రయత్నించే సమయంలో లక్ష్యాన్ని మాత్రమే పట్టించుకొని ఒడిదుడుకులు ఎదురైనా లక్ష్యాన్ని చేరుకోవటానికి ప్రయత్నించాలి.
విజయం సాధించే ప్రయత్నంలో ఓటమి ఎదురైనా ఓటమే విజయానికి తొలి మెట్టు అనే విషయాన్ని గుర్తుంచుకొని చేసిన తప్పులు పునరావృతం కాకుండా కష్టపడితే తప్పకుండా విజయం వరిస్తుంది. విభిన్న ఆలోచనలతో ముందుకు సాగుతూ పరధ్యానం వీడితే విజయం సొంతమవుతుంది. సాధించలేమనే భయం ఉంటే మన పరిమితుల మేరకు మన వంతు ప్రయత్నం చేస్తే విజయం వరిస్తుంది. విజయం సాధించిన ప్రతి ఒక్కరి కథల్లో గొప్ప ఓటములు ఉన్నాయనే విషయాన్ని గుర్తుంచుకోవాలి.
