കൊറോണയായതുകൊണ്ടു എല്ലാവരും തന്നെ വീട്ടിലിരിപ്പാണ്. തങ്ങളുടെ ലോക് ഡൗൺ അനുഭവങ്ങൾ ചിത്രങ്ങളായും വീഡിയോകളായും പലരും സോഷ്യൽമീഡിയയിൽ പങ്കുവയ്ക്കാറുണ്ട്. അത്തരത്തിലൊരു ചിത്രവുമായി എത്തിയിരിക്കുകയാണ് പ്രേമം, മരൂഭൂമിയിലെ ആന, ഞണ്ടുകളുടെ നാട്ടിൽ ഒരിടവേള, ആദി, തൊബാമ, അള്ള് രാമേന്ദ്രൻ, മറിയം വന്ന് വിളക്കൂതി ഉള്‍പ്പെടെ നിരവധി സിനികളിലൂടെ ശ്രദ്ധേയനായ നടൻ കൃഷ്ണ ശങ്കര്‍.

 

  രസകരമായ ഒത്തിരി കമന്‍റുകളാണ് കൃഷ്ണയുടെ പോസ്റ്റിന് താഴെ വന്നുകൊണ്ടിരിക്കുന്നത്. “നീനാ നിനക്ക് കാലത്ത് പുട്ട് തന്നെ വേണോന്ന് നിർബന്ധമുണ്ടോ.... ദോശയായാൽ കൊഴപ്പം ഇല്ലല്ലോ! ല്ലേ...... പുട്ടും കുറ്റിയിൽ ചില്ലിടാൻ മറന്ന് പോയ ഞാൻ....എന്നുകുറിച്ചുകൊണ്ട് പുട്ടുകുറ്റിക്കടുത്ത് ബ്ലിംഗസ്യയായി നിൽക്കുന്ന തന്‍റെ ചിത്രമാണ് താരം പങ്കുവെച്ചിരിക്കുന്നത്.

 

  കൊറോണവൈറസിന്‍റെ സമൂഹവ്യാപനം തടയുന്നതിന്‍റെ ഭാഗമായി രാജ്യത്ത് ലോക് ഡൗൺ കാലമാണ്. അതിനാൽ തന്നെ ഏവരും വീട്ടിലിരുപ്പാണ്. ദിവസവും തിരക്ക് പിടിച്ച് ഓടി നടന്ന സിനിമാ താരങ്ങളും ഇപ്പോള്‍ വീട്ടിലിരിപ്പാണ്.

 

  ഒരു സെൽഫ് ട്രോളായാണ് താരം ഏതാനും ചിത്രങ്ങളും കുറിപ്പും ഫേസ്ബുക്ക് പേജിലൂടെ പങ്കുവെച്ചിരിക്കുന്നത്. കുക്കറിന്‍റെ വിസിലിന്‍റെ ഗ്യാപിലൂടെ മാവ് അകത്തുപോയി അല്ലേ എന്തൊരു ദുരന്തം, കള്ളകളി എന്നിട്ട് നിലത്ത് വീണ പുട്ടും പൊടി കാണുന്നില്ലല്ലോ, എന്നൊക്കെയാണ് ചിലര്‍ കമന്‍റ് ചെയ്തിരിക്കുന്നത്.

 

  കുക്കറിൽ പുട്ടുംകുറ്റി എന്നിട്ട് മറിയം വന്ന് വിസിലൂതിയോ, ചേച്ചി വരുമ്പോയേക്കും ഓടിക്കോളൂ, സത്യത്തിൽ ഇങ്ങേര് ചുളുവിൽ വാറ്റ് ആണോ, പുട്ട് തിന്നിട്ട് തള്ളുന്ന പോലെ ഉണ്ട്, ഇതിപ്പോ പുട്ട് ഉണ്ടാക്കാൻ തന്നെ ആണോ, കുക്കറിൽ വേറെ എന്തെങ്കിലും, ഒരു താങ്ങാകാനാണ് പറഞ്ഞത്.

 

  അല്ലാതെ അവർക്കിട്ട് താങ്ങാനല്ല തുടങ്ങി രസകരമായ കമന്‍റുകള്‍ വന്നിട്ടുണ്ട്. ക്രോണിക് ബാച്ചിലർ സിനിമയിലെ ഹരിശ്രീ അശോകന് പഠിക്കുകയാണോ, നാളെ ഇടിയപ്പം ഇന്ന് മുതൽ അരിമാവ് നൂല് പോലാക്കി കെട്ടിയിട്ട് തുടങ്ങിക്കോ എന്നീ കമന്‍റുകളുംകൃഷ്ണ പങ്കുവെച്ച പോസ്റ്റിന് താഴെ തുരുതുരെ വരുന്നുണ്ട്.

 

  വീട്ടിലിരിപ്പായതിനാൽ മക്കളോടൊപ്പം ചെസ് കളിക്കുന്ന ചിത്രങ്ങളും മക്കളുടെ കളിപ്പാട്ടങ്ങൾ ശരിയാക്കുന്ന ചിത്രങ്ങളുമൊക്കെ കഴിഞ്ഞ ദിവസങ്ങളിൽ താരം പോസ്റ്റ് ചെയ്തിരുന്നു. മാത്രമല്ല കൊറോണ പ്രതിരോധപ്രവർത്തനങ്ങളിൽ സർക്കാരിനെ അഭിനന്ദിച്ചുള്ള പോസ്റ്റുകളും താരം പങ്കുവെച്ചിട്ടുണ്ട്. 

మరింత సమాచారం తెలుసుకోండి: