ఈ మద్య కాలంలో కరోనా తరువాత ఎక్కువగా వినిపిస్తున్న పేరు శానిటైజర్స్. కరోనా దెబ్బకి శానిటైజర్స్  కొరత అమాంతం పెరిగిపోయింది. మార్కెట్ లో కొనాలని వెళ్తే చుక్కలు లెక్కపెట్టేలా రెట్లు చెప్తున్నారు. ఇప్పుడు మార్కెట్ లో బంగారం, రియలెస్టేట్ కంటే కూడా శానిటైజర్స్ కి మాంచి గిరాకి ఉంది. అయితే శానిటైజర్స్ వాడకంలో అధిక శాతం అంటే 70% ఆల్కహాల్  కలుస్తుంది ఈ విషయం అందరికి తెలిసిందే.

IHG's miracle: turning wine into hand sanitizer

కాదేది శానిటైజర్స్ చేయడానికి అనర్హం అని అనుకున్నాడొక పోలీస్ అధికారి. మందు తో శానిటైజర్స్ చేస్తుంటే ఆల్కహాల్ కంటెంట్ ఉన్న కల్లు తో శానిటైజర్స్ చేయలేమా అని ఆలోచన చేశాడు. అంటే అనుకున్నదే తడవుగా పని మొదలు పెట్టాడు. ఇండోనేషియా లోని బాలిలో ఈ కల్లు శానిటైజర్స్ తయారయ్యింది. బాలి పోలీస్ చీఫ్ దీనికి ఆద్యుడు. ఆలోచన రాగానే తాటికల్లు తీసే వారివద్దకి వెళ్లి కొంత మేర కల్లు తీసుకున్నాడు..

IHG's miracle: Turning wine into hand sanitizer | Inquirer News

అలా సేకరించిన కల్లు ని స్థానికంగా ఉన్న ఉదయన యూనివర్సిటీ నిపుణులకి  ఇచ్చి శానిటైజర్స్ గా మార్చమని అడిగాడు. వారు కేవలం వారం రోజుల్లోనే సహజంగా దొరికే శానిటైజర్స్ కంటే కూడా అత్యంత మేలిమి శానిటైజర్స్ 90% ఆల్కహాల్ తో ప్రపంచ ఆరోగ్య సంస్థ ప్రమాణల మేరకు తయారు చేశారు. ఇందులో ఆయుర్వేద ఉత్పత్తులు కూడా వేసి సుమారు 20 బాటిళ్ళు సిద్దం చేశారు. త్వరలో ప్రభుత్వ ఆమోదం మేరకు అందరికి అందుబాటులోకి రానున్నాయట.మరి మన వాళ్ళు కూడా కల్లు తో శానిటైజర్స్ కోసం ప్రయత్నాలు చేస్తారేమో వేచి చూడాలి.

మరింత సమాచారం తెలుసుకోండి: