ప్రేమికులు గానీ దంపతులు గానీ.. వీరి బంధాలు బలంగా ఉండాలంటే ఒకరి కోసం ఒకరు జీవించాలి. ఒకరిపై ఒకరు నమ్మకంగా ఉండాలి. విశ్వాసమనే పునాదులపై ఏర్పడే ఈ బంధాలు.. పక్క చూపులు చూస్తే.. ముక్కలై కుప్పకూలే ప్రమాదం ఉంది. జీవితంలో కొన్ని బలహీన క్షణాలు.. కోరికలు మనిషిని తప్పు మార్గం వైపు నెడతాయి. ఫలితంగా కొందరు తమ భాగస్వామిని తెలియకుండానే చీట్ చేస్తారు. భాగస్వాములు వీరి గురించి అర్థం చేసుకుని ముందుకు సాగితే.. బంధాలు తెగిపోకుండా సజీవంగా ఉంటాయి. మరి అలాంటి ప్రవర్తనలు వ్యక్తుల రాశుల మీద ఆధారపడి ఉంటుందట ? మరి ఏయే రాశులవారిలో ఈ లక్షణాలు కనిపిస్తాయి. దానికి గల కారణాలేంటి ? వారితో ఎలా వ్యవహరించాలి ? తదితర వివరాలను చూద్దాం.

మేషం (మార్చి 21 నుంచి ఏప్రిల్ 19)

దూకుడు, లైంగికత్వానికి పేరొందిన అంగాకుడి చేత పాలించబడుతోంది. ఈ రాశివారు అడ్వాంచెర్లను ఇష్టపడతారు. వారు చేసే ప్రతి పనిలో థ్రిల్ వెతుక్కుంటారు. వీరు ఆకస్మిక నిర్ణయాలు తీసుకుంటారు. ఈ రాశికి చెందిన కొందరు తమ భాగస్వామి పట్ల అశ్రద్ధ చూపుతారట. అందుకే వీరు దీర్ఘకాలిక బంధాలను అస్సలు ఇష్టపడరట.

మిధునం (మే 21 నుంచి జూన్ 20)

మిధునం.. ఇందులోని కవలల తరహాలోనే ఈ రాశివారు వారికి తెలియకుండానే ఇద్దరు వ్యక్తుల జీవితాన్ని గడుపుతారట. ఈ రాశివారు ఆనందంగా ఉండేందుకు స్వేచ్ఛ కోరుకుంటారట. తమకు సరిపడే భాగస్వామి లేదా జోడీ కోసం ఎక్కువ మందితో సంబంధాలు పెట్టుకుంటారట. వీరు చాలా తెలివిగా ఉంటారు. పైగా సీక్రెట్లను బాగా దాచిపెడతారు. వీరి గుట్టు అంత సులభంగా బయటపడదు.

తుల (సెప్టెంబరు 23 - అక్టోబరు 22)

ఈ రాశివారు మంచి మాటకారులు. ఆ రాశి ప్రకారమే.. బ్యాలెన్సుడ్‌గా ఉండేందుకు ప్రయత్నిస్తారట. వీరు తమ సంబంధాల్లో సంతృప్తిని కోరుకుంటారు. కానీ, కొన్ని సమయాల్లో వీరు చాలా అనిశ్చితంగా కనిపిస్తారట. వీరి గజిబిజీ జీవనశైలి వల్ల త్వరగా చిక్కుల్లో పడతారట.

కుంభం (జనవరి 20 - ఫిబ్రవరి 18)

ఈ రాశివారిని అంచనా వేయడం చాలా కష్టం. వీరితో బంధం ఏర్పరుచుకుంటే.. అది శాస్వతంగా కొనసాగించాల్సిందే. ఎందుకుంటే.. వీరు ఏ విషయంలోనూ అంత సులభంగా రాజీపడరు. వీరు ఎల్లప్పుడూ ఎక్కువ ఆశిస్తుంటారు. అందుకే తమ భాగస్వాములను మోసం చేసే అవకాశాలు ఎక్కువ. మరోవైపు బయట ప్రపంచానికి తమ బాగస్వామితో మంచి సంబంధాలు ఉన్నట్లు కనిపిస్తారు.

మీనం (ఫిబ్రవరి 19 - మార్చి 20)

మిధునం తరహాలోనే ద్వంద్వత్వాన్ని సూచించే మరో రాసి ఇది. వీరు తమ వ్యక్తిత్వానికి పూర్తిగా వ్యతిరేకంగా ఉండే వ్యక్తులతో బంధాన్ని ఏర్పరుచుకోడానికి చూస్తారు. అది సాధ్యం మంచి అవకాశాలు కోసం చూస్తారు. ఈ రాశివారితో మంచి బంధం ఏర్పరుచుకోవాలంటే.. వీరితో సౌమ్యంగా ఉండాలి లేదా సానుభూతిని పొందాలి.

వృశ్చికం (జూన్ 20 - జులై 22)

వీరు చాలా సెంటిమెంటల్. కరుణ కూడా ఎక్కువే. వీరికి ఎవరైనా హాని తలపెట్టినా, బాధపెట్టినా.. వెంటనే వారితో బంధాన్ని తెంచుకుంటారు. కొన్నిసార్లు తీవ్రమైన నిర్ణయాలు తీసుకుంటారు. ఈ రాశిలో కొందరు తమ భాగస్వామిపై ఉండే కోపంతో చీటింగ్ కూడా చేస్తారు.

సింహరాశి (జులై 22 నుంచి ఆగస్టు 22)

ఈ రాశివారు ఇతరులను ఎక్కువ ఆకట్టుకోడానికి ఇష్టపడతారు. వీరికి తగిన గుర్తింపు లేదా ప్రేమ దొరకనట్లయితే నిరుత్సాహపడతారు. అవన్నీ ఇవ్వగల వ్యక్తి కోసం చూస్తారు. కాబట్టి.. ఈ రాశివారితో ప్రేమగా వ్యవహరించడం ఎంతో ముఖ్యం.

ధనుస్సు (నవంబర్ 21- డిసెంబర్ 21)

ఈ రాశిలోని కొందరి స్వభావం దాపరికాలు లేకుండా ఉంటుంది. వీరు ఎటు అనుకూలంగా ఉంటే అటు వెళ్లిపోతుంటారు. కొందరైతే సంబంధాలను తెంచుకోడానికి కూడా వెనకాడరు. అయితే, వీరి భాగస్వామి.. తగిన విలువ ఇస్తూ, నమ్మకంగా ఉండాలి. లేకపోతే.. వీరు ఇతరుల వైపు తొంగిచూడొచ్చు.

మరింత సమాచారం తెలుసుకోండి: