అయితే ఉప్పెన సినిమాతో స్టార్ హోదాను అందుకున్న వైష్ణవ్ వరుస సినిమాలతో దూసుకెళ్తున్నాడు. క్రిష్తో చేసిన సినిమా కాకుండా మరో రెండు సినిమాలకు వైష్ణవ్ పచ్చజెండా ఊపాడు. బీవీఎస్ఎన్ ప్రసాద్ నిర్మాణంలో ఓ సినిమాతో పాటు అన్నపూర్ణ స్టూడియోస్ నిర్మాణంలో మరో సినిమా చేస్తున్నాడు. అన్నపూర్ణ స్టూడియోస్లో రూపొందనున్న సినిమాకు అక్కినేని నాగార్జున ఓ కొత్త దర్శకుడిని ఓకే చేశాడు. వీరి కాంబోలో రానున్న సినిమా అందరినీ మెప్పిస్తుందని చిత్ర యూనిట్ ధీమా వ్యక్తం చేస్తోంది.
ఇదిలా ఉంటే అన్నపూర్ణ స్టూడియోస్లో వైష్ణవ్ నటిస్తున్న సినిమాపై తాజాగా ఓ వార్త హల్చల్ చేస్తోంది. ఈ సినిమాలో వైష్ణవ్ సరికొత్తగా కనిపించనున్నాడని, ఈ సినిమా స్పోర్ట్స్ బ్యాక్ డ్రాప్లో తెరకెక్కనుందని టాక్ నడుస్తోంది. ఈ సినిమాను పృథ్వీ అనే కొత్త దర్శకుడు చేయనున్నాడు. ఇది హాకీ నేపథ్యంలో తెరకెక్కనుంది. ఈ చిత్రాన్ని లాక్డౌన్ అనంతరం పట్టాలెక్కించాలని చిత్ర యూనిట్ భావిస్తుందట. ప్రస్తుతం ఈ సినిమాకి సంబంధించిన ప్రీ ప్రొడక్షన్ పనులు జరుగుతున్నాయి. అయితే వైష్ణవ్ స్పోర్ట్స్ జానర్లోనూ అదరగొడతాడని అభిమానులు ఊహాగానాలు చేస్తున్నారు. ఈ సినిమాపై ఇప్పటికే ప్రేక్షకుల్లో భారీ అంచనాలు నెలకొన్నాయి. మరీ ఈ సినిమాతో వైష్ణవ్ వారి అంచనాలను అందుకుంటాడా లేదా అనేది వేచి చూడాలి.